- Ойнай-ойнай кёз чыгъар.
- Сормай – алма, чакъырылмай – барма.
- Тенгни тенглиги джашай барсанг билинир.
- Тюзню ётмеги тюзде къалса да, тас болмаз.
- Чоюнну башы ачыкъ болса, итге уят керекди.
- Чабакъгъа акъыл, табагъа тюшсе келеди.
- Кютгени беш эчки, сызгъыргъаны уа, джерни джарады.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Суу да къайтады чыкъгъан джерине.
- Элни кючю – эмеген.
- Нафысынгы айтханын этме, намысынгы айтханын эт.
- Къарнынг тойгъунчу аша да, белинг талгъынчы ишле.
- Чомарт джарлы болмаз.
- Уллу айтханны этмеген – уллаймаз.
- Ана къойну – балагъа джандет.
- Тюз сёз баргъан сууну тыяр.
- Ётюрюкню башын керти кесер.
- Рысхысына кёре, джаш ёсер, къышлыгъына кёре, мал ёсер.
- Телини эшигин, махтау джабар.
- Эркишини аманы тиширыуну джылатыр.
- Ауругъанны сау билмез, ач къарынны токъ билмез.
- Къайтырыкъ эшигинги, къаты уруб чыкъма.
- Ауурну тюбю бла, дженгилни башы бла джюрюген.
- Эринчекни эр алмаз, эр алса да, кёл салмаз, кёл салса да, кёб бармаз!
- Ишлегенден, къарагъан уста.
- Миллетни бойну – базыкъ, аны бла кюрешген – джазыкъ.
- Аманны тукъумуна къарама, игини тукъумун сорма.
- Башынга джетмегенни сорма.
- Агъач халкъгъа алтынды, иссиликге салкъынды.
- Джылыгъа джылан илешир.
- Иесиз малны бёрю ашар.
- Тюкюрюк баш джармаз, налат кёз чыгъармаз!
- Тау башында, тау болмаз, джангыз терек, бау болмаз.
- Ашхы тенг джолгъа салыр, аман тенг джолдан тайдырыр.
- Эринчекге кюн узун.
- Ашатыргъа иш – ашхы, ишлетирге аш – ашхы.
- Адамны сыфатына къарама, сёзюне къара.
- Сёз садакъдан кючлюдю.
- Гыдай эчки суугъа къараб, мюйюзле кёрмесе, джашма алкъын, дегенди.
- Суу ичген шауданынга тюкюрме.
- Джюрекден джюрекге джол барды.
- Баш болса, бёрк табылыр.
- Бал ашаргъа сюе эсенг, чибин ургъаннга тёз.
- Олтуруб кёрюнмей эди да, ёрге туруб кёрюне эди.
- Бичгенде ашыкъма, тикгенде ашыкъ.
- Суугъа – чабакъ, къаягъа – ыргъакъ.
- Бети къызарыучу адамны, джюреги харам болмаз.
- Эллинг бла джау болсанг да, юйюнг бла джау болма.
- Кёлсюзден сёзсюз тууар.
- Битмегеннге сакъал – танг.
Профиль
|
|
|
|||