- Байлыкъ тауусулур, билим тауусулмаз.
- Оюмсуз атлагъан, аджалсыз ёлюр.
- Байдан умут эте, джарлыдан ёгюз багъасы къорады.
- Билмезни кёзю кёрмез, этмезни къулагъы эшитмез.
- Тойчу джашха къарама, къойчу джашха къара.
- Битмегеннге сакъал – танг.
- Тилчиден кери бол.
- Ашарыкъда сайлагъаннга – чий гырджын.
- Чалманны аллы къалай башланса, арты да алай барады.
- Ата Джуртун танымагъан, атасын да танымаз.
- Босагъа таш юйге кирмей эди, тыбыр таш эшикге чыкъмай эди.
- Билимсиз иш бармаз.
- Ач къалгъандан, кеч къалгъан къолай.
- Кёкдеги болмаса, джердегин кёрмейди.
- Тёгюлген тюгел джыйылмайды.
- Къулакъдан эсе, кёзге ышан.
- Къозулугъунда тоймагъан, къойлугъунда тоймаз.
- Байны оноуу, джарлыгъа джарамаз.
- Гугук кесини атын айтыб къычыргъанча, мен, мен деб нек тураса?
- Алим болгъандан эсе, адам болгъан къыйынды.
- Эки итни арасына сюек атма, эки адамны арасында сёз чыгъарма.
- Тенгни тенглиги джашай барсанг билинир.
- Aдам боллукъ, сыфатындан белгили.
- Джаханимни кёрмей, джандетге кёл салмазса.
- Зар адам ашынгы ашар, кесинги сатар.
- Иги – алгъыш этер, аман – къаргъыш этер.
- Эшекни не къадар тюйсенг да, ат болмаз.
- Джашны джигитлиги сорулур, къызны джигерлиги сорулур.
- Элиб деген, элге болушур.
- Хаухну атма, ёнгкючню сатма.
- Билим ат болуб да чабар, къуш болуб да учар.
- Байны къызы баймакъ болса да, юйде къалмаз!
- Таукел тауну аудурур.
- Эки элинги тыйсанг, джети элде махталырса.
- Тин – байлыгъынг, терен саулугъунг.
- Уллу сёзде уят джокъ.
- Чакъырылмагъан джерге барма, чакъырылгъан джерден къалма.
- Кеси юйюмде мен да ханма.
- Къонакъ хазыр болгъанлыкъгъа, къонакъбай хазыр тюлдю.
- Кёрмегеннге кебек – танг, битмегеннге сакъал – танг.
- Джюрек кёзден алгъа кёрюр.
- Бал чибинни ургъаны – ачы, балы – татлы.
- Игини сыйлагъан адетди.
- Джангыз торгъай джырламаз.
- Айранын берсенг, челегин да къызгъанма.
- Акъыллы – эл иеси, тели – эл баласы.
- Джетген къыз джерли эшекни танымаз.
- Тюзлюк тас болмайды.
- Сёлеш деб шай берген, тохта деб, сом берген.
- Чоюнну башы ачыкъ болса, итге уят керекди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72