- Ёпкелегенни ашы татлы болады.
- Эринчекге кюн узун.
- Биреуге аманлыкъ этиб, кесинге игилик табмазса.
- Джарлыны тону джаз битер.
- Акъыл неден да кючлюдю.
- Сыфатында болмагъаны, суратында болмаз.
- Къыз келсе, джумуш эте келеди, къатын келсе, ушакъ эте келеди.
- Ёзденликни джайгъан – джокълукъ.
- Къонакъ аман болса, къонакъбай джунчур
- Ачылгъан эт джабылыр, кёрген кёз унутмаз.
- Келинни – келгинчи, бёркню кийгинчи кёр.
- Тыш элде солтан болгъандан эсе, кесинги элде олтан болгъан игиди!
- Этни да ашады, бетни да ашады.
- Керек ташны ауурлугъу джокъ.
- Сакъламагъан затынга джолукъсанг, не бек къууанаса, не бек ачыйса.
- Билим – акъылны чырагъы.
- Ач къарным, тынч къулагъым.
- Намыс болмагъан джерде, насыб болмаз.
- Аш иеси бла татлыды.
- Джети тилни билген джети кишиди.
- Элиб деген, элге болушур.
- Аурууну келиую тынч, кетиую – къыйын.
- Акъыллы айтыр эди, акъылсыз къоймайды.
- Мени джылытмагъан кюн, меннге тиймесин!
- Юре билмеген ит, къонакъ келтирир.
- Алгъанда – джууукъ, бергенде – джау.
- Эрни эр этерик да, къара джер этерик да, тиширыуду.
- Байлыкъ болгъан джерде, тынчлыкъ джокъду.
- Бал чибинни ургъаны – ачы, балы – татлы.
- Сормай – алма, чакъырылмай – барма.
- Эм уллу байлыкъ – джан саулукъ.
- Кёб ант этген, кёб ётюрюк айтыр.
- Ашхы атаны – джашы ашхы, ашхы ананы – къызы ашхы.
- Татлы сёз – балдан татлы.
- Къарнынг къанлынга кийирир.
- Тойгъандан сора, ашны сёкме.
- Соргъан айыб тюлдю, билмеген айыбды.
- Сютден ауузу кюйген, суугъа юфгюре эди.
- Тешик этген тынчды, аны джамагъан къыйынды.
- Сёз садакъдан кючлюдю.
- Кёб джашагъан – кёб билир.
- Эки къатын алгъанны къулагъы тынгнгаймаз.
- Джумушакъ терекни къурт ашар.
- Ауругъанны сау билмез, ач къарынны токъ билмез.
- Къаллай салам берсенг, аллай джууаб алырса.
- Адамны бетине къарама, адетине къара.
- Ишлегенден, къарагъан уста.
- Къарт бла баш аша, джаш бла аякъ аша.
- Бал – татлы, балдан да бала – татлы.
- Тойчу джашха къарама, къойчу джашха къара.
Профиль
|
|
|
|||