- Адамны сабийин сюйген джюреги, бычакъча, джитиди.
- Таякъ этден ётер, тил сюекден ётер.
- Уллу сёлешме да, уллу къаб.
- Бек анасы джыламаз.
- Сыфатында болмагъаны, суратында болмаз.
- Эрине къаргъыш этген къатын, эрнин къабар.
- Кёб джат да, бек чаб.
- Ётген ёмюр – акъгъан суу.
- Бойнуму джети джерден кессенг да, мен ол ишни этеллик тюлме.
- Эркишиге тары кебек танг кёрюнюр.
- Ёзденликни кёбю ётюрюк.
- Эркишини аманы тиширыуну джылатыр.
- Сабий болмагъан джерде, мёлек болмаз.
- Эркиши – от, тиширыу – суу.
- Атадан ёксюз – бир ёксюз, анадан ёксюз – эки ёксюз.
- Баш болса, бёрк табылыр.
- Тюзлюк тас болмайды.
- Сакъ юйюне сау барыр.
- Этни да ашады, бетни да ашады.
- Нафысынгы айтханын этме, намысынгы айтханын эт.
- Эринчекни эр алмаз, эр алса да, кёл салмаз, кёл салса да, кёб бармаз!
- Джетген къыз джерли эшекни танымаз.
- Аджалсыз ёлюм болмаз.
- Эки къатын алгъанны къулагъы тынгнгаймаз.
- Элиб деген, элге болушур.
- Ариу сёз джыланны орнундан чыгъарыр.
- Минг тенг да азды, бир джау да кёбдю.
- Нёгерсизни джолу узун.
- Телини эшигин, махтау джабар.
- Арпа, будай – ащды, алтын, кюмюш а – ташды.
- Къобан да къуру да къобханлай турмайды, адам да къуру да патчахлай турмайды.
- Накъырда – кертини келечиси.
- Соргъан айыб тюлдю, билмеген айыбды.
- Ишлемеген – тишлемез.
- Джырына кёре эжиую.
- Эрни эр этерик да, къара джер этерик да, тиширыуду.
- Керти сёзге тёре джокъ.
- Джангыз торгъай джырламаз.
- Ауругъан – джашаудан умутчу.
- Билим ат болуб да чабар, къуш болуб да учар.
- Хаухну атма, ёнгкючню сатма.
- Тилчи тилден къаныкъмаз.
- Игини сыйлагъан адетди.
- Насыблы элин сюер, насыбсыз кесин сюер.
- Адеб этмеген, адеб кёрмез.
- Аманны эки битли тону болур, бирин сеннге кийдирир, бирин кеси киер.
- Биреуге аманлыкъны тилеме да, кесинге ашхылыкъны тиле.
- Сёз къанатсыз учар.
- Билимден уллу байлыкъ джокъду.
- Ашына кёре табагъы, балына кёре къалагъы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72