Айран тёгюлсе, джугъусу къалыр.
Тил бла келеди джыр да.
Суугъа – чабакъ, къаягъа – ыргъакъ.
Джаралыны джастыгъында сау ёлюр.
Хазыр ашха – терен къашыкъ.
Сагъышы джокъ – джукъучу, акъылы джокъ – къаугъачы.
Джаханимни кёрмей, джандетге кёл салмазса.
Зарда марда джокъ.
Эркишини аманы тиширыуну джылатыр.
Келлик заман – къартлыкъ келтирир, кетген заман – джашлыкъ ёлтюрюр.
Айтылгъан сёз ызына къайтмаз.
Къарнынг бла ёч алма.
Къанны къан бла джуума, аманны аман бла къуума.
Уллу къазанда бишген эт, чий къалмаз.
Эринчекни аурууу – кёб.
Ата – билек, ана – джюрек!
Билим – акъылны чырагъы.
Керек ташны ауурлугъу джокъ.
Суу ичген шауданынга тюкюрме.
Ач къарным, тынч къулагъым.
Илму – джашауну джолу.
Ашхы болсанг, атынг чыгъар, аман болсанг, джанынг чыгъар.
Ата Джуртча джер болмаз, туугъан элча эл болмаз.
Къумурсхала джыйылсала, пилни да джыгъадыла.
Айырылмаз джууугъунга, унутмаз сёзню айтма.
Уллу сёлешме да, уллу къаб.
Алма терегинден кери кетмез.
Акъыл бла адеб эгизледиле.
Махтаннган къыз, тойда джукълар.
Ана – юйню кюн джарыгъы.
Тюкюрюк баш джармаз, налат кёз чыгъармаз!
Ауругъан – джашаудан умутчу.
Мухардан ач ычхынмаз.
«Ёгюз, джаргъа джууукъ барма, меннге джюк боллукъса», - дегенди эшек.
Джаным-тиним – окъуу, билим.
Мадар болса, къадар болур.
Чомарт бергенин айтмаз.
Сабий болмагъан джерде, мёлек болмаз.
Садакъачыны джаны – къапчыгъында.
Атадан ёксюз – бир ёксюз, анадан ёксюз – эки ёксюз.
Азыгъы аз, алгъа къабар, аты аман, алгъа чабар.
Ёлюр джаннга, ёкюл джокъ.
Джеринден айырылгъан – джети джылар, джуртундан айырылгъан – ёлгюнчю джылар.
Аманнга игилик этсенг, юйюнге сау бармазса.
Адебни адебсизден юрен.
Окъугъан озар, окъумагъан тозар.
Адам къаллай бир ишленмесе, аллай бир кесин уллу кёреди.
Тойгъан джерге джети къайт.
Ачыкъ джюрекге джол – ачыкъ.
Окъугъан – асыу, окъумагъан – джарсыу.
