Бет бетге къараса, бет да джерге къарар.
Ётюрюкчюню шагъаты – къатында.
Мураты болгъанны джюрек тебюую башхады.
Джангыз торгъай джырламаз.
Къазанны башы ачыкъ болса, итге уят керекди.
Ачылгъан эт джабылыр, кёрген кёз унутмаз.
Юй ишлеген балта эшикде къалыр.
Къызгъанчдан ычхыныр, мухардан ычхынмаз.
Къатын байлыкъны сюер, эр саулукъну сюер.
Аз айтсам, кёб ангылагъыз.
Ашха уста, юйюнде болсун
Баланы адам этген анады.
Кёзден кетген, кёлден да кетеди.
Эли джокъну – кёлю джокъ.
Уллу сёлешме да, уллу къаб.
Адамны адамлыгъы къыйынлыкъда айгъакъланады.
Орундукъ тюбюнде атылсам да, орта джиликме, де да айлан.
Билимден уллу байлыкъ джокъду.
Джюрек кёзден алгъа кёрюр.
Тил джюрекге джол ишлейди.
Къаллай салам берсенг, аллай джууаб алырса.
Онгсузну – джакъла, тенгликни – сакъла.
Тилде сюек болмаса да, сюек сындырыр.
Байлыкъдан саулукъ ашхыды.
Ёзденликни джайгъан – джокълукъ.
Ишлемеген – тишлемез.
Юйюнгден чыкъдынг – кюнюнгден чыкъдынг.
Хунаны тюбюн къазсанг, юсюнге ауар.
Ата джурт – алтын бешик.
Къанны къан бла джуума, аманны аман бла къуума.
Сормай – алма, чакъырылмай – барма.
Адеби болмагъан къыз – тузсуз хант.
Ашхылыкъ джерде джатмайды, аманлыкъ суугъа батмайды.
Терслик кетер, тюзлюк джетер.
Танг атмайма десе да, кюн къоярыкъ тюйюлдю.
Къазанда болса, чолпугъа чыгъар.
Тилчи тилден къаныкъмаз.
Гугурук къычырмаса да, тангны атары къалмаз.
Тёрдеги кюлсе, эшикдеги ышарыр.
Оюмсуз атлагъан, аджалсыз ёлюр.
Кёб ант этген, кёб ётюрюк айтыр.
Ётюрюкню башын керти кесер.
Окъуусуз билим – джокъ, билимсиз кюнюнг – джокъ.
Къошда джокъгъа – юлюш джокъ.
Ач да бол, токъ да бол – намысынга бек бол.
Къарт болгъан джерде, берекет болур, сабий болгъан джерде, оюн болур.
Азыкъ аз болса, эртде орун сал.
Къая джолда джортма, ачыкъ сёзден къоркъма.
Иги адам абынса да, джангылмаз.
Тили узунну, намысы – къысха.
