Джуртун къоругъан озар.
Къолунгдан къуймакъ ашатсанг да, атаны борчундан къутулмазса.
Кесине гебен этелмеген, биреуге черен эте эди.
Тёрде – темир таякълы, къаяда – чыпчыкъ аякълы.
Джыйырма къойну юч джыйырма эбзе кюте эди.
Къуру гыбыт бек дыгъырдар.
Юйюнг бла джау болгъандан эсе, элинг бла джау бол.
Окъугъан – асыу, окъумагъан – джарсыу.
Таш бла ургъанны, аш бла ур.
Ашаса, ашамаса да, бёрюню ауузу – къан.
Баргъанынга кёре болур келгенинг.
Термилгенинги табмазса, кюлгенинге тюберсе.
Иги сёз – джаннга азыкъ, аман сёз башха – къазыкъ.
Бермеген къол, алмайды.
Чёбню кёлтюрсенг, тюбюнден сёз чыгъар.
Тюкюрюк баш джармаз, налат кёз чыгъармаз!
Тели турса – той бузар.
Къатын къылыкъсыз, эр тынчлыкъсыз.
Сёз сёзню айтдырыр.
Ачыкъ джюрекге джол – ачыкъ.
Ышармагъан – кюлмез, кюлмеген – къууанчны билмез.
Накъырда – кертини келечиси.
Сакъ юйюне сау барыр.
Эринчекни аурууу – кёб.
Гугурук къычырмаса да, тангны атары къалмаз.
Аман адамны тепсинге олтуртсанг, къызынгы тилер.
Онгсузну – джакъла, тенгликни – сакъла.
Эки ойлашыб, бир сёлешген.
Ёлюр джаннга, ёкюл джокъ.
Олтуруб кёрюнмей эди да, ёрге туруб кёрюне эди.
Джолунга кёре – джюрюшюнг, джагъанга кёре – юлюшюнг.
Башы джабылгъан челекге, кир тюшмез.
Ёгюзню мюйюзюнден тутадыла, адамны сёзюнден тутадыла.
Къарт бла баш аша, джаш бла аякъ аша.
Джырчы джырчыгъа – къарнаш.
Мал тутхан – май джалар.
Айтханы чапыракъдан ётмеген.
Джашда акъыл джокъ, къартда къарыу джокъ.
Ауузу бла къуш тута айланады.
Аман хансны – урлугъу кёб.
Къралынгы – душмандан, башынгы от бла суудан сакъла.
Акъыллы эркиши атын махтар, акъылсыз эркиши къатынын махтар.
Таш ата билмеген, башына урур.
Арбаз къынгырды да, ийнек сауалмайма.
Къартны бурнун сюрт да, оноугъа тут.
Орну джокъну – сыйы джокъ.
Аллахха ийнаннган кишини, Аллах онгдурур ишин.
Ариуну – ауруу кёб.
Бек анасы джыламаз.
Къонакъ аман болса, къонакъбай джунчур
