Сёз – кюмюш, джыр – алтын.
Тёзгеннге, джабылгъан эшик ачылыр.
Джаз бир кюнню джатсанг, къыш талай кюнню абынырса.
Джуртун къоругъан озар.
Ашхылыкъ джерде джатмайды, аманлыкъ суугъа батмайды.
Чакъырылмагъан къонакъ къачан кетерин сормаз.
Аджашханны ызындагъы кёреди, джангылгъанны джанындагъы биледи.
Ёлген аслан – сау чычхан.
Байны оноуу, джарлыгъа джарамаз.
Келинни – келгинчи, бёркню кийгинчи кёр.
Кийиминг бла танылма, адамлыкъ бла таныл.
Ана къолу ачытмаз.
Къонакъны къачан кетерин сорма, къачан келлигин сор.
Ёлген эшек бёрюден къоркъмайды.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Ата Джуртча джер болмаз, туугъан элча эл болмаз.
Чакъырылмай келген къонакъ сыйланмай кетер.
Къазанны башы ачыкъ болса, итге уят керекди.
Арпа, будай – ащды, алтын, кюмюш а – ташды.
Ишленмеген джаш – джюгенсиз ат, ишленмеген къыз – тузсуз хант.
Чомарт джарлы болмаз.
Сакъламагъан затынга джолукъсанг, не бек къууанаса, не бек ачыйса.
Бет бетге къараса, бет да джерге къарар.
Ёгюзню мюйюзлери ауурлукъ этмейдиле.
Таукелге нюр джауар.
Джашны джигитлиги сорулур, къызны джигерлиги сорулур.
Тил джюрекге джол ишлейди.
Тамчы таш тешер.
Къыйынлы джети элни къайгъысын этер.
Тюзню ётмеги тюзде къалса да, тас болмаз.
Ауругъан – джашаудан умутчу.
Ариуну – ауруу кёб.
Сютден ауузу кюйген, суугъа юфгюре эди.
Аманнга игилик этсенг, юйюнге сау бармазса.
Сёлеш деб шай берген, тохта деб, сом берген.
Игиге айтсанг – билир, аманнга айтсанг – кюлюр.
Ачны эсинде – аш.
Атлыны кёрсе, джаяуну буту талыр.
Шайтан алдады, тюзлюк къаргъады.
Биреуге аманлыкъны тилеме да, кесинге ашхылыкъны тиле.
Экеу тутушса, биреу джыгъылыр.
Итли къонакъ джарашмаз.
Уясында не кёрсе, учханында аны этер.
Къазанчы аман болса, къазаны къайнамаз.
Кёкдеги болмаса, джердегин кёрмейди.
Джылар джаш, атасыны сакъалы бла ойнар.
Ётюрюкню къуйругъу – бир тутум.
Айтхан – тынч, этген – къыйын.
Зарда марда джокъ.
Ашлыкъны арба юйге келтирир, чана базаргъа элтир.
