Ёмюрлюк шохлукъну джел элтмез.
Сагъыш – къартлыкъгъа сюйюмчю.
Къарны аманнга къазан такъдырма, къолу аманнга от джакъдырма.
Ашда – бёрю, ишде – ёлю.
Ана къолу ачытмаз.
Келлик заман – къартлыкъ келтирир, кетген заман – джашлыкъ ёлтюрюр.
Джауумдан сора, кюн кюйдюрюр, ётюрюкден сора, айыб кюйдюрюр.
Биреуню эскиси биреуге джангы болмайды.
Ойнаб айтсанг да, эслеб айт.
Джумушакъ терекни къурт ашар.
Айырылгъанланы айю ашар, бёлюннгенлени бёрю ашар.
Эркиши – от, тиширыу – суу.
Азыкълы ат арымаз, къатыны аман джарымаз.
Бал чибинни ургъаны – ачы, балы – татлы.
Джарлы тюеге минсе да, ит къабар.
Тамчы таш тешер.
Бети – къучакълар, джюреги – бычакълар.
Чомарт бергенин айтмаз.
Джаш къарыу бла кючлю, къарт акъыл бла кючлю.
Арбаз сайлама да, хоншу сайла.
Таш ата билмеген, башына урур.
Къыйынлы джети элге оноу этер.
Чомартха хар кюн да байрамды.
Юйюнг бла джау болгъандан эсе, элинг бла джау бол.
Ауругъаннга – кийик саулукъ, джетген къызгъа – чилле джаулукъ.
Келинин тута билмеген, къул этер, къызын тута билмеген, тул этер.
Чакъырылмагъан къонакъ – орунсуз.
Байлыкъ тауусулур, билим тауусулмаз.
Къарнынг тойгъунчу аша да, белинг талгъынчы ишле.
Эл элде бирер малынг болгъандан эсе, бирер тенгинг болсун.
Иги сёз – джаннга азыкъ, аман сёз башха – къазыкъ.
Къуру гыбыт бек дыгъырдар.
Джырына кёре эжиую.
Ариу – кёзге, акъыл – джюрекге.
Джаханимни кёрмей, джандетге кёл салмазса.
Кёпюр салгъан кеси ётер, уру къазгъан кеси кетер.
Айырылмаз джууугъунга, унутмаз сёзню айтма.
Зарда марда джокъ.
Гырджын – тепсини тамадасы.
Юре билмеген ит, къонакъ келтирир.
Ана – юйню кюн джарыгъы.
Сёз садакъдан кючлюдю.
Къонакъ аз олтурур, кёб сынар.
Адам туугъан джеринде, ит тойгъан джеринде.
Джыланны къуйругъундан басарынг келсе, аны башы болгъанын унутма.
Кюлме джашха – келир башха.
Билим къая тешер.
Ач отунчуну ачыуу – бурнунда.
Сагъышы джокъ – джукъучу, акъылы джокъ – къаугъачы.
Аманны къуугъан, аманлыкъ табар.
