Билими азны – ауузунда кирит.
Кюл тюбюндеги от кёрюнмейди.
Асхат ашлыкъ сата, юйдегиси ачдан къата.
Ариу – кёзге, акъыл – джюрекге.
Аз сёлешген, къайгъысыз турур.
Уллу атлама – абынырса, уллу къабма – къарылырса.
Эркишини аманы тиширыуну джылатыр.
Атлыны кёрсе, джаяуну буту талыр.
Баргъанынга кёре болур келгенинг.
Джарлы джети элни сёзюн этер.
Адам бла мюлк юлешмеген эсенг, ол адамны билиб бошагъанма, деб кесинги алдама.
Чакъырылмагъан къонакъ – орунсуз.
Ач – эснер, ат – кишнер.
Кёзю сокъурдан – къоркъма, кёлю сокъурдан – къоркъ.
Тулпарлыкъ, билекден тюл – джюрекден.
Мал ёлсе, сюек къалыр, адам ёлсе, иши къалыр.
Ашлыкъ – бюртюкден, джюн – тюкден.
Ашыкъгъан cуу, тенгизге джетмез.
Ёлген эшек бёрюден къоркъмайды.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Сакъ юйюне сау барыр.
Ауругъан – джашаудан умутчу.
Биреуге аманлыкъны тилеме да, кесинге ашхылыкъны тиле.
Адам сёзюнден белгили.
Булут кёкге джарашыу, уят бетге джарашыу.
Байдан умут эте, джарлыдан ёгюз багъасы къорады.
Къуллукъчума, деб махтанма, къуллукъ – хаух джамчыды!
Байлыкъдан саулукъ ашхыды.
Хар адамгъа кеси миннген тау кибик.
Аджашханны ызындагъы кёреди, джангылгъанны джанындагъы биледи.
Ёксюзню тилеги къабыл болур.
Къая джолда джортма, ачыкъ сёзден къоркъма.
Чабакъ башындан чирийди.
Тау башында, тау болмаз, джангыз терек, бау болмаз.
Ишни ахырын ойламай, аллын башлама.
Чомарт бергенин айтмаз.
Чакъырылмагъан къонакъ къачан кетерин сормаз.
Къоркъакъны кёзю экили кёрюр.
Тас болгъан бычакъны сабы – алтын.
Юйюнгден чыкъдынг – кюнюнгден чыкъдынг.
Аз сёлеш, кёб ишле.
«Ма», - дегенни билмесенг, «бер», - дегенни билмезсе.
Ариу сёз джыланны орнундан чыгъарыр.
Тилчи бир сагъатха айлыкъ хата этер.
Бети – къучакълар, джюреги – бычакълар.
Ойнай билмеген, оюн бузар.
Ана къолу ачытмаз.
Окъугъан – асыу, окъумагъан – джарсыу.
Хансыз джомакъ болмаз.
Сормай – алма, чакъырылмай – барма.
