Бал – татлы, балдан да бала – татлы.
Къошда джокъгъа – юлюш джокъ.
Атадан ёксюз – бир ёксюз, анадан ёксюз – эки ёксюз.
Эки итни арасына сюек атма, эки адамны арасында сёз чыгъарма.
Иги сёз – джаннга азыкъ, аман сёз башха – къазыкъ.
Чомарт бергенин айтмаз.
Кюн кёрмеген, кюн кёрсе, кюндюз чыракъ джандырыр.
Игилик игилик бла сингдирилиучю затды.
Акъыл аздырмаз, билим тоздурмаз.
Билмезни кёзю кёрмез, этмезни къулагъы эшитмез.
Ауругъанны сау билмез, ач къарынны токъ билмез.
Къозулугъунда тоймагъан, къойлугъунда тоймаз.
Ёнгкюч къууана барыр, джылай келир.
Ёлюк кебинсиз къалмаз.
Джолда аягъынга сакъ бол, ушакъда тилинге сакъ бол.
Ауурну тюбю бла, дженгилни башы бла джюрюген.
Билген билмегенни юретген адетди.
Уллу айтханны этмеген – уллаймаз.
Байлыкъ болгъан джерде, тынчлыкъ джокъду.
Ойнай билмеген, оюн бузар.
Ашарыкъда сайлагъаннга – чий гырджын.
Баланы адам этген анады.
Джан саулукъ бермей, сан саулукъ бермезсе.
Адам къыйынлыгъын кёлтюрюр, зауукълугъун кёлтюрмез.
Чабакъгъа акъыл, табагъа тюшсе келеди.
Аджашханны ызындагъы кёреди, джангылгъанны джанындагъы биледи.
Тёрени джагъы джокъ.
Ариу сёз – джаннга азыкъ, аман сёз – башха къазыкъ.
Хоншуну тауугъу къаз кёрюнюр, келини къыз кёрюнюр.
Джырчы ёлсе, джыры къалыр.
Таш ата билмеген, башына урур.
Алтыда кюлмеген, алтмышда кюлмез.
Тенгинг джокъ эсе – изле, бар эсе – сакъла!
Къазанны башы ачыкъ болса, итге уят керекди.
Суу да къайтады чыкъгъан джерине.
Адамны артындан къара сабан сюрме.
Къазанчы аман болса, къазаны къайнамаз.
Огъурлуну сёзю – суу, огъурсузну сёзю – уу.
Къонакъ кёб келюучю юйню, къазаны отдан тюшмез.
Къызбайны юйюне дери сюрсенг, батыр болур.
Бал чибинни ургъаны – ачы, балы – татлы.
Эр абынмай, эл танымаз.
Азыкъ аз болса, эртде орун сал.
Къатын къылыкъсыз, эр тынчлыкъсыз.
Джаным-тиним – окъуу, билим.
Ариу сёз джыланны орнундан чыгъарыр.
Ёксюзню тилеги къабыл болур.
Ачыу алгъа келсе, акъыл артха къалады.
Адам сёзюнден белгили.
Орундукъ тюбюнде атылсам да, орта джиликме, де да айлан.
