Кёб ант этген, кёб ётюрюк айтыр.
Къая джолда джортма, ачыкъ сёзден къоркъма.
Ишлегенден, къарагъан уста.
Ач – эснер, ат – кишнер.
Уллу къазанда бишген эт, чий къалмаз.
Къазанны башы ачыкъ болса, итге уят керекди.
Aдам боллукъ, сыфатындан белгили.
Тенгинг джокъ эсе – изле, бар эсе – сакъла!
Орну джокъну – сыйы джокъ.
Ётюрюкню къуйругъу – бир тутум.
Тойгъа алгъа да барма, тойда артха да къалма.
Бет бетге къараса, бет да джерге къарар.
Эллинг бла джау болсанг да, юйюнг бла джау болма.
Рысхы – насыбха къор.
Тенги кёбню джау алмаз, акъылы кёбню дау алмаз.
Аш иеси бла татлыды.
Къолунгдан къуймакъ ашатсанг да, атаны борчундан къутулмазса.
Джаш къарыу бла кючлю, къарт акъыл бла кючлю.
Хунаны тюбюн къазсанг, юсюнге ауар.
Урама да – ёледи, сатама да – келеди.
Ашха уста, юйюнде болсун
Ишлемеген – тишлемез.
Аманны тукъумуна къарама, игини тукъумун сорма.
Зарда марда джокъ.
Кёзюнде тереги болгъан, чёбю болгъаннга кюле эди.
Аш хазыр болса, иш харам болур.
Ачыу алгъа келсе, акъыл артха къалады.
Магъанасыз сёз – тауушсуз сыбызгъы.
Джеринден айырылгъан – джети джылар, джуртундан айырылгъан – ёлгюнчю джылар.
Атлыны кёрсе, джаяуну буту талыр.
Сабий болмагъан джерде, мёлек болмаз.
Тёрени джагъы джокъ.
Намыс сатылыб алынмайды.
Гырджын – тепсини тамадасы.
Тилчиден кери бол.
Джарлы джети элни сёзюн этер.
Тойгъан джерден туугъан джер игиди.
Джангыз торгъай джырламаз.
Экеулен сёлеше тура эселе, орталарына барыб кирме.
Биреуге аманлыкъны тилеме да, кесинге ашхылыкъны тиле.
Къарнынг ауруса, ауузунгу тый
Уллу айтханны этмеген – уллаймаз.
Азыкълы ат арымаз, къатыны аман джарымаз.
Тойгъа барсанг, тоюб бар, эски тонунгу къоюб бар.
Тойгъандан сора, ашны сёкме.
Эте билген, этген этеди, эте билмеген, юретген этеди!
Джыланны къуйругъундан басарынг келсе, аны башы болгъанын унутма.
Босагъа таш юйге кирмей эди, тыбыр таш эшикге чыкъмай эди.
Иги бла джюрюсенг, джетерсе муратынга, аман бла джюрюсенг, къалырса уятха.
Эртде тургъан бла эртде юйленнген сокъуранмаз.
Глубоко тронула публикация. Браво!
