Айныгъанлы алты кюн, тогъайгъанлы тогъуз кюн.
Итли къонакъ джарашмаз.
Тил – миллетни джаны.
Билген билмегенни юретген адетди.
Ариу – кёзге, акъыл – джюрекге.
Адам сёзге тынгыла, акъыл сёзню ангыла.
Къатыны харакетли болса, эри къымсыз болур.
Тау башында, тау болмаз, джангыз терек, бау болмаз.
Мураты болгъанны джюрек тебюую башхады.
Чомарт джарлы болмаз.
Элни кючю – эмеген.
Кюн – узун, ёмюр – къысха.
Телиге от эт десенг, юйюнге от салыр.
Ач уят къоймаз.
Тил – кесген бычакъ, сёз – атылгъан окъ.
Эки къатын алгъанны къулагъы тынгнгаймаз.
Ойнаб айтсанг да, эслеб айт.
Ашлыкъны арба юйге келтирир, чана базаргъа элтир.
Аш иеси бла татлыды.
Эте билген, этген этеди, эте билмеген, юретген этеди!
Ауузу аманнга «иги», деме.
Къая джолда джортма, ачыкъ сёзден къоркъма.
Керек ташны ауурлугъу джокъ.
Аман адам этегингден тутса, кес да къач.
Игини сыйлагъан адетди.
Сангырау къулакъ эл бузар.
Ётюрюкден тюбю джокъ, кёлтюрюрге джиби джокъ.
Джуртун къоругъан озар.
Кёзю сокъурдан – къоркъма, кёлю сокъурдан – къоркъ.
Сабий болмагъан джерде, мёлек болмаз.
Джашда акъыл джокъ, къартда къарыу джокъ.
Сакъ юйюне сау барыр.
Иги сёз – джаннга азыкъ, аман сёз башха – къазыкъ.
Суу да къайтады чыкъгъан джерине.
Кесинге джетмегенни, кёб сёлешме.
Эринчекге кюн узун.
Ата – баланы уясы.
Кирсизни – саны таза, халалны – къаны таза.
Ачлыкъ отха секиртир.
Халкъны джырын джырласанг, халкъ санга эжиу этер.
Тас болгъан бычакъны сабы – алтын.
Адам туугъан джеринде, ит тойгъан джеринде.
Таш бла ургъанны, аш бла ур.
Арбаз къынгырды да, ийнек сауалмайма.
Къарт болгъан джерде, берекет болур, сабий болгъан джерде, оюн болур.
Уллу айтханны этмеген – уллаймаз.
Къарнынг бла ёч алма.
Аманны тукъумуна къарама, игини тукъумун сорма.
Ханы къызы буюгъа-буюгъа киштик болду.
Аман адам элни бир-бирине джау этер.
Глубоко тронула публикация. Браво!
