Сёз садакъдан кючлюдю.
Бир абыннган – минг сюрюнюр.
Чарсда алчыны эл кёреди.
Тил бла келеди джыр да.
Кёзден кетген, кёлден да кетеди.
Байлыкъдан саулукъ ашхыды.
Кесинг сынамагъан затны, адамгъа буюрма.
Тилсиз миллет джокъ болур.
Келинин тута билмеген, къул этер, къызын тута билмеген, тул этер.
«Ма», - дегенни билмесенг, «бер», - дегенни билмезсе.
Душманны тышы – акъ, ичи – къара.
Тиширыусуз юй – отсуз от джагъа.
Кёз – сюйген джерде, къол – ауругъан джерде.
Терек ауса, отунчу – кёб.
Таш ата билмеген, башына урур.
Кёлсюзден сёзсюз тууар.
Джыйырма къойну юч джыйырма эбзе кюте эди.
Бек анасы джыламаз.
Босагъагъа джууукъ орун болса, ашыгъыб тёрге озма.
Джан саулукъ бермей, сан саулукъ бермезсе.
Ашлыкъ – бюртюкден, джюн – тюкден.
Телиге от эт десенг, юйюнге от салыр.
Сыфатында болмагъаны, суратында болмаз.
Къонагъынгы артмагъын алма да, алгъышын ал.
Танг атмайма десе да, кюн къоярыкъ тюйюлдю.
Бал ашаргъа сюе эсенг, чибин ургъаннга тёз.
Элге къуллукъ этмеген, элге ие болмаз.
Харам къарнашдан, халал тенг ашхы.
Арба аугъандан сора, джол кёргюзтюучю кёб болур.
Сакъ юйюне сау барыр.
Ёксюзню къалачы уллу кёрюнюр.
Къолу уллу – асыу, аягъы уллу – джарсыу.
Ариуну – ауруу кёб.
Эллинг бла джау болсанг да, юйюнг бла джау болма.
Тойгъанлыкъ къойгъа джарашады.
Билим къая тешер.
Джогъун бар этген, барын бал этген.
Къошда джокъгъа – юлюш джокъ.
Мал кёб болса, джууукъ кёб болур.
Aдам боллукъ, сыфатындан белгили.
Аш берме да, къаш бер.
Ышармагъан – кюлмез, кюлмеген – къууанчны билмез.
Ашхы адам – халкъ байлыгъы, ашхы джер – джашау байлыгъы.
Уллу сёзде уят джокъ.
Накъырда – кертини келечиси.
Эли джокъну – кёлю джокъ.
Аманнга игилик этсенг, юйюнге сау бармазса.
Ойнай билмеген, оюн бузар.
Ёмюрлюк шохлукъну джел элтмез.
«Ёгюз, джаргъа джууукъ барма, меннге джюк боллукъса», - дегенди эшек.
Глубоко тронула публикация. Браво!
