Киштикге къанат битсе, чыпчыкъ къалмаз эди.
Атадан ёксюз – бир ёксюз, анадан ёксюз – эки ёксюз.
Бети къызарыучу адамны, джюреги харам болмаз.
Тешик этген тынчды, аны джамагъан къыйынды.
Къулакъдан эсе, кёзге ышан.
Хар зат кесини орнуна иги.
Aдам боллукъ, сыфатындан белгили.
Ариу сёз – къылычдан джити.
Ёгюзню мюйюзюнден тутадыла, адамны сёзюнден тутадыла.
Тай асырагъан, атха минер.
Туз, гырджын аша, тюзлюк бла джаша.
Акъыллы эркиши атын махтар, акъылсыз эркиши къатынын махтар.
Ауругъаннга – кийик саулукъ, джетген къызгъа – чилле джаулукъ.
Тамбла алтындан бюгюн багъыр ашхы.
Эринчекни эр алмаз, эр алса да, кёл салмаз, кёл салса да, кёб бармаз!
Джарлы эскисин джамаса, къууаныр.
Чомартха хар кюн да байрамды.
Бал ашаргъа сюе эсенг, чибин ургъаннга тёз.
Билим ат болуб да чабар, къуш болуб да учар.
Юреннген ауруу къалмаз.
Кечеси – аяз, кюню – къыш, джарлы къаргъагъа бир аш тюш!
Тилде сюек болмаса да, сюек сындырыр.
Къайтырыкъ эшигинги, къаты уруб чыкъма.
Терек ауса, отунчу – кёб.
Битмегеннге сакъал – танг.
Чёбню кёлтюрсенг, тюбюнден сёз чыгъар.
Иги – алгъыш этер, аман – къаргъыш этер.
Ачыкъ джюрекге джол – ачыкъ.
Уллу айтханны этмеген – уллаймаз.
Тамчы таш тешер.
Тил – миллетни джаны.
Къоркъакъны кёзю экили кёрюр.
Акъыл неден да кючлюдю.
Тойну къарнашы – харс, джырны къарнашы – эжиу.
Кюлме джашха – келир башха.
Кёб къычыргъандан – къоркъма, тынч олтургъандан – къоркъ.
Айтханы чапыракъдан ётмеген.
Игилик игилик бла сингдирилиучю затды.
«Ёгюз, джаргъа джууукъ барма, меннге джюк боллукъса», - дегенди эшек.
Адамны бетине къарама, адетине къара.
Хаухну атма, ёнгкючню сатма.
Сабийни джумушха джибер да, ызындан бар.
Азыгъы аз, алгъа къабар, аты аман, алгъа чабар.
Гитче джилтин уллу элни джандырыр.
Махтаннган къыз, тойда джукълар.
Чакъырылмагъан къонакъ тёрге атламаз.
Иги адамны бир сёзю эки болмаз.
Сыфатында болмагъаны, суратында болмаз.
Къарын къуру болса, джюрек уру болур.
Джигер – джаннга къыйынлыкъ.
Глубоко тронула публикация. Браво!
