Келинни – келгинчи, бёркню кийгинчи кёр.
Чомарт джарлы болмаз.
Адам боллукъ, атламындан белгили болур.
Арба аугъандан сора, джол кёргюзтюучю кёб болур.
Байлыкъ адамны сокъур этер.
Къаллай салам берсенг, аллай джууаб алырса.
Сабийликде юретмесенг, уллу болса – тюзелмез.
Халкъны юйю – туугъан джери.
Тилсиз миллет джокъ болур.
Ётген ёмюр – акъгъан суу.
Билими азны – ауузунда кирит.
Айранын берсенг, челегин да къызгъанма.
Аманнга да, игиге да оноусуз къатышма.
Къайгъы тюбю – тенгиз.
Огъурлуну сёзю – суу, огъурсузну сёзю – уу.
Бастасын ашагъан, хантусун да ичер.
Телиге от эт десенг, юйюнге от салыр.
Тойгъан антын унутур.
Мадар болса, къадар болур.
Тёгюлген тюгел джыйылмайды.
Юйюнгден чыкъдынг – кюнюнгден чыкъдынг.
Телиге акъыл салгъандан эсе, ёлгеннге джан салырса.
Телини эшигин, махтау джабар.
Айранны сюйген, ийнек тутар.
Эл ауузу – элек, анга ийнаннган – халек.
Сескекли кесин билдирир.
Джюрек кёзден алгъа кёрюр.
Сабыр джетер муратха, сабырсыз къалыр уятха.
Аз айтсам, кёб ангылагъыз.
Айырылмаз джууугъунга, унутмаз сёзню айтма.
Кийимни бир кюнню аясанг, минг кюннге джарар.
Тели турса – той бузар.
Биреуге аманлыкъ этиб, кесинге игилик табмазса.
Ушамагъан – джукъмаз.
Айырылгъанланы айю ашар, бёлюннгенлени бёрю ашар.
Ач къарным, тынч къулагъым.
Орну джокъну – сыйы джокъ.
Байлыкъдан саулукъ ашхыды.
Адамны джюреги нени кёрюрге сюйсе, кёзю да аны кёрюрге ёч болады.
Иесиз малны бёрю ашар.
Адамны аты башхача, акъылы да башхады.
Суу ичген шауданынга тюкюрме.
Джумушакъ сёз къаты таякъны сындырыр.
Къуру гыбыт бек дыгъырдар.
Къарнынг тойгъунчу аша да, белинг талгъынчы ишле.
Ашхылыкъ джерде джатмайды, аманлыкъ суугъа батмайды.
Келлик заман – къартлыкъ келтирир, кетген заман – джашлыкъ ёлтюрюр.
Ёлген эшек бёрюден къоркъмайды.
Тешигини къатында, чычхан да батыр болур.
Харам къарнашдан, халал тенг ашхы.
Глубоко тронула публикация. Браво!
