Таукел тауну аудурур.
Магъанасыз сёз – тауушсуз сыбызгъы.
Кенгеш болса, уруш болмаз.
Къарт айтханны этмеген, къартаймаз.
Тели турса – той бузар.
Тёгюлген тюгел джыйылмайды.
Алим болгъандан эсе, адам болгъан къыйынды.
Къая джолда джортма, ачыкъ сёзден къоркъма.
Биреуге аманлыкъ этиб, кесинге игилик табмазса.
Тил – кесген бычакъ, сёз – атылгъан окъ.
Ач уят къоймаз.
Окъугъан – асыу, окъумагъан – джарсыу.
Бёрю да ач къалмасын, эчки да ашалмасын.
Ётюрюк хапар аякъ тюбю бла джюрюйдю.
Эрни эр этерик да, къара джер этерик да, тиширыуду.
Чомарт бергенин айтмаз.
Таш ата билмеген, башына урур.
Бюгюн дуния кибик, тамбла ахыратды.
Кеси юйюмде мен да ханма.
Аууз сакълагъан – джан сакълар.
Кёз – сюйген джерде, къол – ауругъан джерде.
Джюз элде джюз ёгюзюм болгъандан эсе, джюз джууугъум болсун.
Дженгил джетерикме деб, узун джолну къоюб, къысхасын барма.
Хунаны тюбюн къазсанг, юсюнге ауар.
Акъыллы эркиши атын махтар, акъылсыз эркиши къатынын махтар.
Ёлген ийнек сютлю болур.
Джарлы тюеге минсе да, ит къабар.
Ёлюк кебинсиз къалмаз.
Уруну арты – къуру.
Сабий кёргенин унутмаз.
Тюкюрюк баш джармаз, налат кёз чыгъармаз!
Игини сыйлагъан адетди.
Акъыл неден да кючлюдю.
Бичгенде ашыкъма, тикгенде ашыкъ.
Тынгылагъан тынгы бузар.
Эллинг бла джау болсанг да, юйюнг бла джау болма.
Кёзю сокъурдан – къоркъма, кёлю сокъурдан – къоркъ.
«Ёгюз, джаргъа джууукъ барма, меннге джюк боллукъса», - дегенди эшек.
Тас болгъан бычакъны сабы – алтын.
Къыз чыгъаргъан – къызыл къымжа.
Иесиз малны бёрю ашар.
Аллахха ийнаннган кишини, Аллах онгдурур ишин.
Аз сёлешген, къайгъысыз турур.
Чомарт къонакъ юй иесин сыйлар.
Кесине гебен этелмеген, биреуге черен эте эди.
Ата Джуртуму башы болмасам да, босагъасында ташы болайым.
Джети тилни билген джети кишиди.
Ауузу бла къуш тута айланады.
Джигер – джаннга къыйынлыкъ.
Джаз бир кюнню джатсанг, къыш талай кюнню абынырса.
Глубоко тронула публикация. Браво!
