Аманны къуугъан, аманлыкъ табар.
Телиге от эт десенг, юйюнге от салыр.
Босагъа таш юйге кирмей эди, тыбыр таш эшикге чыкъмай эди.
Эл элде бирер малынг болгъандан эсе, бирер тенгинг болсун.
Къарт айтханны этмеген, къартаймаз.
Кёб къычыргъандан – къоркъма, тынч олтургъандан – къоркъ.
Терслик кетер, тюзлюк джетер.
Ариуну – ауруу кёб.
Огъурлуну сёзю – суу, огъурсузну сёзю – уу.
Джашынгы кесинг юретмесенг, джашау юретир.
Ичимден чыкъды хата, къайры барайым сата?
Тюзню ётмеги тюзде къалса да, тас болмаз.
Ат басханны джер билед.
Джаз бир кюнню джатсанг, къыш талай кюнню абынырса.
Берекет берсин деген джерде, берекет болур.
Чоюнну башы ачыкъ болса, итге уят керекди.
Окъугъан озар, окъумагъан тозар.
Олтуруб кёрюнмей эди да, ёрге туруб кёрюне эди.
Таукел къуру къалмаз.
Адамны сабийин сюйген джюреги, бычакъча, джитиди.
Ойнаб айтсанг да, эслеб айт.
Тыш элде солтан болгъандан эсе, кесинги элде олтан болгъан игиди!
Ашыкъгъан cуу, тенгизге джетмез.
Зар адамны насыбы болмаз.
Телини эшигин, махтау джабар.
Къартны бурнун сюрт да, оноугъа тут.
Окъуу – билимни ачхычы, окъуу – дунияны бачхычы.
Айныгъанлы алты кюн, тогъайгъанлы тогъуз кюн.
Тик ёргени, тик энгишгеси да болады.
Суугъа – таянма, джаугъа – ийнанма.
Эки къатын алгъанны къулагъы тынгнгаймаз.
Бети – къучакълар, джюреги – бычакълар.
Сабий кёргенин унутмаз.
Рысхы – насыбха къор.
Чакъырылмагъан къонакъ тёрге атламаз.
Джыгъылгъанны сырты джерден тоймаз.
Тешик этген тынчды, аны джамагъан къыйынды.
Байлыкъ келсе, акъыл кетер.
Джангызны оту джарыкъ джанмаз!
Ариу сёзде ауруу джокъ.
Азыгъы аз, алгъа къабар, аты аман, алгъа чабар.
Ашын ашагъанынгы, башын да сыйла.
Тил – кесген бычакъ, сёз – атылгъан окъ.
Аякъларынгы джууургъанынга кёре узат.
Аз сёлешген, къайгъысыз турур.
Душманны тышы – акъ, ичи – къара.
Акъыл сабырлыкъ берир.
Аман къатын алгъан, арыр, иги къатын алгъан джарыр.
Тёрде – темир таякълы, къаяда – чыпчыкъ аякълы.
Ёксюзню къалачы уллу кёрюнюр.
Глубоко тронула публикация. Браво!
