Адам къаллай бир ишленмесе, аллай бир кесин уллу кёреди.
Къулакъдан эсе, кёзге ышан.
Къатыны харакетли болса, эри къымсыз болур.
Кёлсюзден сёзсюз тууар.
Джарлы джети элни сёзюн этер.
Аджашханны ызындагъы кёреди, джангылгъанны джанындагъы биледи.
Рысхысына кёре, джаш ёсер, къышлыгъына кёре, мал ёсер.
Сакъалы текени да бар, мыйыгъы киштикни да бар.
Мал кёб болса, джууукъ кёб болур.
Билмегенинги, билгеннге сор.
Бек анасы джыламаз.
Айтылгъан буйрукъ, сёгюлмез
Кёб къычыргъандан – къоркъма, тынч олтургъандан – къоркъ.
Аш кетер да бет къалыр.
Джашлыкъ этмеген, башлыкъ этмез.
Джашынгы кесинг юретмесенг, джашау юретир.
Аман киши кеси юйюнде – къонакъ.
Ариу сёз – къылычдан джити.
Чабар ат – джетген къыз.
Нафысынгы айтханын этме, намысынгы айтханын эт.
Ашарыкъда сайлагъаннга – чий гырджын.
Чакъырылмагъан къонакъ – орунсуз.
Билимли ёлмез, билимсиз кёрмез.
Бет бетге къараса, бет да джерге къарар.
Ата Джуртун танымагъан, атасын да танымаз.
Къая джолда джортма, ачыкъ сёзден къоркъма.
Биреуню эскиси биреуге джангы болмайды.
Мал тутхан – май джалар.
Ана – юйню кюн джарыгъы.
Адам боллукъ, атламындан белгили болур.
Халкъны джырын джырласанг, халкъ санга эжиу этер.
Ариу джол аджал келтирмез.
Ёксюзню къалачы уллу кёрюнюр.
Келинни – келгинчи, бёркню кийгинчи кёр.
Кийимни бичсенг, кенг бич, тар этген къыйын тюлдю.
Адеби болмагъан къыз – тузсуз хант.
Эшекни не къадар тюйсенг да, ат болмаз.
Кюл тюбюндеги от кёрюнмейди.
Кёл – къызбай, къол – батыр.
Ойнай билмеген, оюн бузар.
Ётюрюк хапар аякъ тюбю бла джюрюйдю.
Булут кёкге джарашыу, уят бетге джарашыу.
Эм уллу байлыкъ – джан саулукъ.
Байны къызы баймакъ болса да, юйде къалмаз!
Насыблыны баласы кюн кюнден да баш болур, насыбсызны баласы, кюн кюнден да джаш болур.
Джерни букъусу кёкге къонмаз.
Ана къойну – балагъа джандет.
Ышармагъан – кюлмез, кюлмеген – къууанчны билмез.
Ёгюзню мюйюзлери ауурлукъ этмейдиле.
Ашхы сёз таш тешер.
Глубоко тронула публикация. Браво!
