Къуллукъчума, деб махтанма, къуллукъ – хаух джамчыды!
Окъуусуз билим – джокъ, билимсиз кюнюнг – джокъ.
Къонагъы джокъну – шоху джокъ.
Сютню башын джалагъан къутулур, тюбюн ичген тутулур.
Кесинг сынамагъан затны, адамгъа буюрма.
Къатыны харакетли болса, эри къымсыз болур.
Къайгъы тюбю – тенгиз.
Кёрмегеннге кебек – танг, битмегеннге сакъал – танг.
Терслик кетер, тюзлюк джетер.
Эринчекге кюн узун.
Адам сёзюнден белгили.
Ёпкелегенни ашы татлы болады.
Уясында не кёрсе, учханында аны этер.
Шайтан алдады, тюзлюк къаргъады.
Тойгъан джерге джети къайт.
Къарнынг ауруса, ауузунгу тый
Тили узунну, намысы – къысха.
Мени джылытмагъан кюн, меннге тиймесин!
Магъанасыз сёз – тауушсуз сыбызгъы.
Къолунгдан къуймакъ ашатсанг да, атаны борчундан къутулмазса.
Экиндини кеч къылсанг, чабыб джетер ашхам.
Къошда джокъгъа – юлюш джокъ.
Кёб къычыргъандан – къоркъма, тынч олтургъандан – къоркъ.
Тойну къарнашы – харс, джырны къарнашы – эжиу.
Аз сёлешген, къайгъысыз турур.
Тенгинг джокъ эсе – изле, бар эсе – сакъла!
Къан бла кирген, джан бла чыгъар.
Уллу сёзде уят джокъ.
Къаллай салам берсенг, аллай джууаб алырса.
Рысхы джалгъанды: келген да этер, кетген да этер.
Джети тилни билген джети кишиди.
Дууулдаса – бал чибин, къонса – къара чибин.
Тюзлюк тас болмайды.
Аман киши кеси юйюнде – къонакъ.
Таула не мийик болсала да, аууш табылыр.
Намыс сатылыб алынмайды.
Эртде тургъан бла эртде юйленнген сокъуранмаз.
Чомартны къолун джокълукъ байлар.
Аллахха ийнаннган кишини, Аллах онгдурур ишин.
Адамны сабийин сюйген джюреги, бычакъча, джитиди.
Тойгъан антын унутур.
Арыгъан къош чамчы болур.
Ёнгкюч къууана барыр, джылай келир.
Сыфатында болмагъаны, суратында болмаз.
Адам сёзге тынгыла, акъыл сёзню ангыла.
Ётюрюкден тюбю джокъ, кёлтюрюрге джиби джокъ.
Къатын байлыкъны сюер, эр саулукъну сюер.
Джашны джигитлиги сорулур, къызны джигерлиги сорулур.
Аманны къуугъан, аманлыкъ табар.
Тулпарлыкъ, билекден тюл – джюрекден.
Глубоко тронула публикация. Браво!
