Тилсиз миллет джокъ болур.
Сибиртки да сыйлы болду, кюрек да кюнлю болду.
Къарнынг ауруса, ауузунгу тый
Тамырсыз терекге таянма – джыгъылырса.
Нарт сёз – тилни бети.
Аурууну келиую тынч, кетиую – къыйын.
Къулакъдан эсе, кёзге ышан.
Билмезни кёзю кёрмез, этмезни къулагъы эшитмез.
Туз, гырджын аша, тюзлюк бла джаша.
Тилчи бир сагъатха айлыкъ хата этер.
«Ма», - дегенни билмесенг, «бер», - дегенни билмезсе.
Акъыллы – эл иеси, тели – эл баласы.
Бир абыннган – минг сюрюнюр.
Аманнга да, игиге да оноусуз къатышма.
Къонакъ хазыр болгъанлыкъгъа, къонакъбай хазыр тюлдю.
Нарт сёз къарт болмаз.
Тёрдеги кюлсе, эшикдеги ышарыр.
Иесиз малны бёрю ашар.
Ишни ахырын ойламай, аллын башлама.
Джашны джигитлиги сорулур, къызны джигерлиги сорулур.
Джаш къарыу бла кючлю, къарт акъыл бла кючлю.
Ашлыкъ – бюртюкден, джюн – тюкден.
Ата – баланы уясы.
Чарсда алчыны эл кёреди.
Чакъырылмагъан къонакъ къачан кетерин сормаз.
Битмегеннге сакъал – танг.
Ишге юренсин къоллары, халкъ бла болсун джоллары.
Этни да ашады, бетни да ашады.
Билеги кючлю, бирни джыгъар, билими кючлю, мингни джыгъар.
Ойнай билмеген, оюн бузар.
Аллахдан тилесенг, кёб тиле.
Сёз садакъдан кючлюдю.
Чабакъ башындан чирийди.
Бал чибинни ургъаны – ачы, балы – татлы.
Ёмюрлюк шохлукъну джел элтмез.
Аллахха ийнаннган кишини, Аллах онгдурур ишин.
Ашлыкъны арба юйге келтирир, чана базаргъа элтир.
Аман адам этегингден тутса, кес да къач.
Хар адамгъа кеси миннген тау кибик.
Хантына кёре тузу, юйюне кёре къызы.
Джуртун къоругъан озар.
Къонагъынгы артмагъын алма да, алгъышын ал.
Чабакъгъа акъыл, табагъа тюшсе келеди.
Агъач халкъгъа алтынды, иссиликге салкъынды.
Тилчи тилден къаныкъмаз.
Адеб базарда сатылмаз.
Джан саулукъ бермей, сан саулукъ бермезсе.
Арыгъан къош чамчы болур.
Къызны минг тилер, бир алыр.
Ариу джол аджал келтирмез.
Глубоко тронула публикация. Браво!
