Къозулугъунда тоймагъан, къойлугъунда тоймаз.
Ойнаб айтсанг да, эслеб айт.
Эски джаугъа ышанма.
Арпа, будай – ащды, алтын, кюмюш а – ташды.
Кийиминг бла танылма, адамлыкъ бла таныл.
Къоркъакъны кёзю экили кёрюр.
Келлик заман – къартлыкъ келтирир, кетген заман – джашлыкъ ёлтюрюр.
Эркиши – от, тиширыу – суу.
Къатын къылыкъсыз, эр тынчлыкъсыз.
Адамны артындан къара сабан сюрме.
Ёгюзню мюйюзюнден тутадыла, адамны сёзюнден тутадыла.
Кёб джат да, бек чаб.
Хар сёзню орну барды.
Ат да турмайды бир териде.
Кюн – узун, ёмюр – къысха.
Къазанчы аман болса, къазаны къайнамаз.
Ашха уста, юйюнде болсун
Къарнынг къанлынга кийирир.
Татлы сёз – балдан татлы.
Сютню башын джалагъан къутулур, тюбюн ичген тутулур.
Баргъанынга кёре болур келгенинг.
Игиге айтсанг – билир, аманнга айтсанг – кюлюр.
Сёз садакъдан кючлюдю.
Адамны сабийин сюйген джюреги, бычакъча, джитиди.
Билимсиз иш бармаз.
Оюмсуз атлагъан, аджалсыз ёлюр.
Билимден уллу байлыкъ джокъду.
Тенгинг джокъ эсе – изле, бар эсе – сакъла!
Чыбыкълыкъда бюгюлмеген, къазыкълыкъда бюгюлмей эди.
Акъыллы айтыр эди, акъылсыз къоймайды.
Тойгъан джерге джети къайт.
Таукел тауну аудурур.
Къызбайны юйюне дери сюрсенг, батыр болур.
Телиге акъыл салгъандан эсе, ёлгеннге джан салырса.
Айыбны суу бла джууалмазса.
Тай асырагъан, атха минер.
Аман къатын сабий табса, бий болур…
Биреу къой излей, биреу той излей.
Тешик этген тынчды, аны джамагъан къыйынды.
Тюзню ётмеги тюзде къалса да, тас болмаз.
Аманнга алтын чыдамаз.
Джангыз терек къынгыр ёсер.
Бюгюн дуния кибик, тамбла ахыратды.
Эл тойса, тоймагъан, эл къойса, къоймагъан.
Джаш болсун, къыз болсун, акъылы, саны тюз болсун.
Ат басханны джер билед.
Ойнай-ойнай кёз чыгъар.
Уруну арты – къуру.
Ёнгкюч къууана барыр, джылай келир.
Бетинги сатма, малынгы сат.
Глубоко тронула публикация. Браво!
