Кёпюр салгъан кеси ётер, уру къазгъан кеси кетер.
Къызбайны юйюне дери сюрсенг, батыр болур.
Дженгил джетерикме деб, узун джолну къоюб, къысхасын барма.
Эшекни не къадар тюйсенг да, ат болмаз.
Айныгъанлы алты кюн, тогъайгъанлы тогъуз кюн.
Иги болса, тамадама – махтау, аман болса, меннге – айыб.
Байма, деб да, къууанма, джарлыма, деб да, джылама.
Чомартха Тейри да борчлуду.
Хоншуну тауугъу къаз кёрюнюр, келини къыз кёрюнюр.
Къайтырыкъ эшигинги, къаты уруб чыкъма.
Аууз сакълагъан – джан сакълар.
Ишлегенде эринме, ишде чолакъ кёрюнме.
Хантына кёре тузу, юйюне кёре къызы.
Джашынгы кесинг юретмесенг, джашау юретир.
Ёлген аслан – сау чычхан.
Окъуусуз билим – джокъ, билимсиз кюнюнг – джокъ.
Тау башында, тау болмаз, джангыз терек, бау болмаз.
Орундукъ тюбюнде атылсам да, орта джиликме, де да айлан.
Ач отунчуну ачыуу – бурнунда.
Байны къызы баймакъ болса да, юйде къалмаз!
Джашны джигитлиги сорулур, къызны джигерлиги сорулур.
Бёрю да ач къалмасын, эчки да ашалмасын.
Ашхы сёз таш тешер.
Иги сёз – джаннга азыкъ, аман сёз башха – къазыкъ.
Рысхы джалгъанды: келген да этер, кетген да этер.
Сёз сёзню айтдырыр.
Таула не мийик болсала да, аууш табылыр.
Бал ашаргъа сюе эсенг, чибин ургъаннга тёз.
Таукел тауну аудурур.
Къонакъ аз олтурур, кёб сынар.
Джолда аягъынга сакъ бол, ушакъда тилинге сакъ бол.
Рысхы – насыбха къор.
Джашлыкъ этмеген, башлыкъ этмез.
Ач да бол, токъ да бол – намысынга бек бол.
Сакъалы текени да бар, мыйыгъы киштикни да бар.
Рысхы – сют юсюнде кёмюк кибикди.
Халкъны юйю – туугъан джери.
Акъыл бла адеб эгизледиле.
Тёзген – тёш ашар!
Оюмсуз атлагъан, аджалсыз ёлюр.
Булут кёкге джарашыу, уят бетге джарашыу.
Айранны сюйген, ийнек тутар.
Аманны тукъумуна къарама, игини тукъумун сорма.
Ауурну тюбю бла, дженгилни башы бла джюрюген.
Джашда акъыл джокъ, къартда къарыу джокъ.
Ишге юренсин къоллары, халкъ бла болсун джоллары.
Окъугъан – асыу, окъумагъан – джарсыу.
Тойгъандан сора, ашны сёкме.
Тойчу джашха къарама, къойчу джашха къара.
Ётген ёмюр – акъгъан суу.
Глубоко тронула публикация. Браво!
