Мал ёлсе, сюек къалыр, адам ёлсе, иши къалыр.
Кийим тукъум сордурур.
Ана кёлю – балада, бала кёлю – талада.
Таш ата билмеген, башына урур.
Бал – татлы, балдан да бала – татлы.
Чыкълы кюнде чыкъмагъан, чыкъса къуру кирмеген.
Джарлыны тону джаз битер.
Айранны сюйген, ийнек тутар.
Тас болгъан бычакъны сабы – алтын.
Аманнга алтын чыдамаз.
Ашына кёре табагъы, балына кёре къалагъы.
Арбаз къынгырды да, ийнек сауалмайма.
Къан бла кирген, джан бла чыгъар.
От этилмеген джерден тютюн чыкъмайды.
Суугъа – чабакъ, къаягъа – ыргъакъ.
Ашыкъгъанны этеги бутуна чырмалыр.
Байны оноуу, джарлыгъа джарамаз.
Ач – эснер, ат – кишнер.
Иши джокъну, сыйы джокъ.
Босагъагъа джууукъ орун болса, ашыгъыб тёрге озма.
Тенгни тенглиги джашай барсанг билинир.
Кюлме джашха – келир башха.
Къарт айтханны этмеген, къартаймаз.
Акъылсызны джууукъгъа алма, акъыллыны кенгнге салма.
Къарын къуру болса, джюрек уру болур.
Аман эсирсе, юйюн ояр.
Сыфатында болмагъаны, суратында болмаз.
Тамырсыз терекге таянма – джыгъылырса.
Ашда уялгъан – мухар, ишде уялгъан – хомух.
Ишни аллы бла къууанма да, арты бла къууан.
Уруну арты – къуру.
Къыз тиширыу кеси юйюнде да къонакъды.
Эки къатын алгъан – эки ташны ортасына башын салгъан.
Терслик кетер, тюзлюк джетер.
Ишлегенде эринме, ишде чолакъ кёрюнме.
Келинни – келгинчи, бёркню кийгинчи кёр.
Джеринден айырылгъан – джети джылар, джуртундан айырылгъан – ёлгюнчю джылар.
Къулакъдан эсе, кёзге ышан.
Ачылгъан эт джабылыр, кёрген кёз унутмаз.
Керти сёзге тёре джокъ.
Сескекли кесин билдирир.
Тик ёргени, тик энгишгеси да болады.
Таула не мийик болсала да, аууш табылыр.
Джаралыны джастыгъында сау ёлюр.
Шекер бла туз – бир болмаз, ушамагъан – юй болмаз.
Къаллай салам берсенг, аллай джууаб алырса.
Ойнай билмеген, уруб къачар.
Тюзлюк шохлукъну бегитир.
Адам боллукъ, атламындан белгили болур.
Туз, гырджын аша, тюзлюк бла джаша.
Глубоко тронула публикация. Браво!
