Къуру гыбыт бек дыгъырдар.
Чомартны къолун джокълукъ байлар.
Малны кют, джерни тюрт.
От этилмеген джерден тютюн чыкъмайды.
Къызгъанчдан ычхыныр, мухардан ычхынмаз.
Ётюрюкню башын керти кесер.
Булут кёкге джарашыу, уят бетге джарашыу.
Джангызны оту джарыкъ джанмаз!
Телиге акъыл салгъандан эсе, ёлгеннге джан салырса.
Эртде тургъан джылкъычыны эркек аты тай табар.
Кирсизни – саны таза, халалны – къаны таза.
Дуния мал дунияда къалады.
Джюрекден джюрекге джол барды.
Ёлмесенг да, къарт дамы болмазса?
Эки итни арасына сюек атма, эки адамны арасында сёз чыгъарма.
Айыбны суу бла джууалмазса.
Айырылгъанланы айю ашар, бёлюннгенлени бёрю ашар.
Онгсузну – джакъла, тенгликни – сакъла.
Тойгъа барсанг, тоюб бар, эски тонунгу къоюб бар.
Берекет берсин деген джерде, берекет болур.
Аман киши кеси юйюнде – къонакъ.
Адамны сыфатына къарама, сёзюне къара.
Кёкдеги болмаса, джердегин кёрмейди.
Башланнган иш битер, къымылдагъан тиш тюшер.
Адамны аты башхача, акъылы да башхады.
Бети бедерден, намыс сакълама.
Бети – къучакълар, джюреги – бычакълар.
Кюн – узун, ёмюр – къысха.
Айырылмаз джууугъунга, унутмаз сёзню айтма.
Келинин тута билмеген, къул этер, къызын тута билмеген, тул этер.
Джыланны къуйругъундан басарынг келсе, аны башы болгъанын унутма.
Ауругъан – джашаудан умутчу.
Къолунгдан къуймакъ ашатсанг да, атаны борчундан къутулмазса.
Чабакъсыз кёлге къармакъ салгъанлыкъгъа, чабакъ тутмазса.
Чомартха Тейри да борчлуду.
Мухардан ач ычхынмаз.
Ариу джол аджал келтирмез.
Къонакъ аман болса, къонакъбай джунчур
Тойгъан джерден туугъан джер игиди.
Акъыллы айтыр эди, акъылсыз къоймайды.
Къонакъ хазыр болгъанлыкъгъа, къонакъбай хазыр тюлдю.
Джукъу тёшек сайламайды.
Мухар, кеси тойса да, кёзю тоймаз.
«Ёгюз, джаргъа джууукъ барма, меннге джюк боллукъса», - дегенди эшек.
Алим болгъандан эсе, адам болгъан къыйынды.
Ариу сёзде ауруу джокъ.
Тин – байлыгъынг, терен саулугъунг.
Эки къатын алгъанны къулагъы тынгнгаймаз.
Мухарны эси – ашарыкъда.
Бек анасы джыламаз.
Глубоко тронула публикация. Браво!
