Эльбрусоид :: Форум :: Администрация

Билмейме деген – бир сёз
Магъанасыз сёз – тауушсуз сыбызгъы.
Тилсиз миллет джокъ болур.
Эринчекни аурууу – кёб.
Адамны аты башхача, акъылы да башхады.
Тенги кёбню джау алмаз, акъылы кёбню дау алмаз.
Эллинг бла джау болсанг да, юйюнг бла джау болма.
Рысхы джалгъанды: келген да этер, кетген да этер.
Бети – къучакълар, джюреги – бычакълар.
Ата – баланы уясы.
Атадан ёксюз – бир ёксюз, анадан ёксюз – эки ёксюз.
Тюзлюк шохлукъну бегитир.
Къызгъанчдан ычхыныр, мухардан ычхынмаз.
Кюн – узун, ёмюр – къысха.
Айырылгъанланы айю ашар, бёлюннгенлени бёрю ашар.
Тыш элде солтан болгъандан эсе, кесинги элде олтан болгъан игиди!
Эринчекни эр алмаз, эр алса да, кёл салмаз, кёл салса да, кёб бармаз!
Тели турса – той бузар.
Джолда аягъынга сакъ бол, ушакъда тилинге сакъ бол.
Билимсиз иш бармаз.
Ишни ахырын ойламай, аллын башлама.
Ач къарынны, токъ билмез
Джиби бир къат джетмей эди да, эки къат тарта эди.
Эл ауузу – элек, анга ийнаннган – халек.
Айтхан – тынч, этген – къыйын.
Туз, гырджын аша, тюзлюк бла джаша.
Къызбайны юйюне дери сюрсенг, батыр болур.
Ашхылыкъ джерде джатмайды, аманлыкъ суугъа батмайды.
Телини эшигин, махтау джабар.
Таш бла ургъанны, аш бла ур.
Сабий болмагъан джерде, мёлек болмаз.
Окъ къызбайны джокълайды.
Ачылгъан эт джабылыр, кёрген кёз унутмаз.
Билими азны – ауузунда кирит.
Байлыкъ тауусулур, билим тауусулмаз.
Ёлген аслан – сау чычхан.
Къыз чыгъаргъан – къызыл къымжа.
Бал ашаргъа сюе эсенг, чибин ургъаннга тёз.
Ишге юренсин къоллары, халкъ бла болсун джоллары.
Адам сёзюнден белгили.
Экеулен сёлеше тура эселе, орталарына барыб кирме.
Телиге от эт десенг, юйюнге от салыр.
Билим къая тешер.
Сабыр джетер муратха, сабырсыз къалыр уятха.
Тёгюлген тюгел джыйылмайды.
Хар сёзню орну барды.
Къыз тиширыу кеси юйюнде да къонакъды.
Кийимни бичсенг, кенг бич, тар этген къыйын тюлдю.
Ишлемеген – тишлемез.
Акъыллы – эл иеси, тели – эл баласы.

Логин:
Пароль:
	Запомнить меня на этом компьютере

Забыли свой пароль?
Регистрация