- Бастасын ашагъан, хантусун да ичер.
- Ургъан суудан башынгы сакъла.
- Терслик кетер, тюзлюк джетер.
- Тойгъандан сора, ашны сёкме.
- Рысхы – насыбха къор.
- Чыбыкълыкъда бюгюлмеген, къазыкълыкъда бюгюлмей эди.
- Аш хазыр болса, иш харам болур.
- «Ёгюз, джаргъа джууукъ барма, меннге джюк боллукъса», - дегенди эшек.
- Ханнга да келеди хариблик.
- Джаным-тиним – окъуу, билим.
- Акъыллы башны – тили къысха.
- Адамны аманы адамны бети бла ойнар.
- Бети – къучакълар, джюреги – бычакълар.
- Огъурлуну сёзю – суу, огъурсузну сёзю – уу.
- Тай асырагъан, атха минер.
- Эри аманны, къатыны – аман.
- Ата Джуртун танымагъан, атасын да танымаз.
- Тенгинг джокъ эсе – изле, бар эсе – сакъла!
- Тилчи тилден къаныкъмаз.
- Бал – татлы, балдан да бала – татлы.
- Адамны аты башхача, акъылы да башхады.
- Эрине къаргъыш этген къатын, эрнин къабар.
- Тас болгъан бычакъны сабы – алтын.
- Атлыны кёрсе, джаяуну буту талыр.
- Ёлген аслан – сау чычхан.
- Аллахха ийнаннган кишини, Аллах онгдурур ишин.
- Аууз сакълагъан – джан сакълар.
- Джюз элде джюз ёгюзюм болгъандан эсе, джюз джууугъум болсун.
- Чомартха хар кюн да байрамды.
- Тамырсыз терекге таянма – джыгъылырса.
- Алтыда кюлмеген, алтмышда кюлмез.
- Бал ашаргъа сюе эсенг, чибин ургъаннга тёз.
- Соргъан айыб тюлдю, билмеген айыбды.
- Джарлы эскисин джамаса, къууаныр.
- Аякъларынгы джууургъанынга кёре узат.
- Джашны джигитлиги сорулур, къызны джигерлиги сорулур.
- Хоншуну тауугъу къаз кёрюнюр, келини къыз кёрюнюр.
- Ётюрюкню къуйругъу – бир тутум.
- Ариу сёзде ауруу джокъ.
- Тилчи бир сагъатха айлыкъ хата этер.
- Эринчекге кюн узун.
- Гитче джилтин уллу элни джандырыр.
- Тюкюрюк баш джармаз, налат кёз чыгъармаз!
- Юй ишлеген балта эшикде къалыр.
- Аманнга да, игиге да оноусуз къатышма.
- Ауругъанны сау билмез, ач къарынны токъ билмез.
- Ышармагъан – кюлмез, кюлмеген – къууанчны билмез.
- Насыблы элин сюер, насыбсыз кесин сюер.
- Тели турса – той бузар.
- Акъыллы – эл иеси, тели – эл баласы.
Профиль
|
||||