- Иги – алгъыш этер, аман – къаргъыш этер.
- Чакъырылмагъан джерге барма, чакъырылгъан джерден къалма.
- Аууздан келген, къолдан келсе, ким да патчах болур эди.
- Юйюнгден чыкъдынг – кюнюнгден чыкъдынг.
- Акъыл неден да кючлюдю.
- Илму – джашауну джолу.
- Тешик этген тынчды, аны джамагъан къыйынды.
- Намыс болмагъан джерде, насыб болмаз.
- Нарт сёз къарт болмаз.
- Бюгюн дуния кибик, тамбла ахыратды.
- Кенгеш болса, уруш болмаз.
- Билмейме деген – бир сёз
- Ишлемеген – тишлемез.
- Мадар болса, къадар болур.
- Танг атмайма десе да, кюн къоярыкъ тюйюлдю.
- Кёлю джокъну – джолу джокъ.
- Баш – акъыл ючюн, акъылман – халкъ ючюн.
- Аманны эки битли тону болур, бирин сеннге кийдирир, бирин кеси киер.
- Кёпюр салгъан кеси ётер, уру къазгъан кеси кетер.
- Тил – кесген бычакъ, сёз – атылгъан окъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джаханимни кёрмей, джандетге кёл салмазса.
- Тамбла алтындан бюгюн багъыр ашхы.
- Ишге юренсин къоллары, халкъ бла болсун джоллары.
- Агъач халкъгъа алтынды, иссиликге салкъынды.
- Къартха ушагъан джаш – акъыллы, джашха ушагъан къарт – тели.
- Адебни адебсизден юрен.
- Кёлсюзден сёзсюз тууар.
- Къонакъны къачан кетерин сорма, къачан келлигин сор.
- Билмегенинги, билгеннге сор.
- Байлыкъ болгъан джерде, тынчлыкъ джокъду.
- Къозулугъунда тоймагъан, къойлугъунда тоймаз.
- Хунаны тюбюн къазсанг, юсюнге ауар.
- Джырчы джырчыгъа – къарнаш.
- Адам сёзге тынгыла, акъыл сёзню ангыла.
- Айырылгъанланы айю ашар, бёлюннгенлени бёрю ашар.
- Таула не мийик болсала да, аууш табылыр.
- Тюз сёз баргъан сууну тыяр.
- Аш хазыр болса, иш харам болур.
- Рысхы джалгъанды: келген да этер, кетген да этер.
- Къарны аманнга къазан такъдырма, къолу аманнга от джакъдырма.
- Джюрекден джюрекге джол барды.
- Къумурсхала джыйылсала, пилни да джыгъадыла.
- Насыблы элин сюер, насыбсыз кесин сюер.
- Иги джашны ышаны – аз сёлешиб, кёб тынгылар.
- Аман къатын алгъан, арыр, иги къатын алгъан джарыр.
- Ишлегенде эринме, ишде чолакъ кёрюнме.
- Ишни ахырын ойламай, аллын башлама.
- Сёз къанатсыз учар.
- Билимли ёлмез, билимсиз кёрмез.
Профиль
|
|
|||