- Къатын къылыкъсыз, эр тынчлыкъсыз.
- Кийиминг бла танылма, адамлыкъ бла таныл.
- Суугъа – чабакъ, къаягъа – ыргъакъ.
- Аман киши кеси юйюнде – къонакъ.
- Дууулдаса – бал чибин, къонса – къара чибин.
- Тилсиз миллет джокъ болур.
- Мадар болса, къадар болур.
- Босагъагъа джууукъ орун болса, ашыгъыб тёрге озма.
- Чомарт къонакъ юй иесин сыйлар.
- Окъуу – билимни ачхычы, окъуу – дунияны бачхычы.
- Ашлыкъны арба юйге келтирир, чана базаргъа элтир.
- Ёгюзню мюйюзюнден тутадыла, адамны сёзюнден тутадыла.
- Таукел тауну аудурур.
- Тил джюрекге джол ишлейди.
- Аманны къуугъан, аманлыкъ табар.
- Чыкълы кюнде чыкъмагъан, чыкъса къуру кирмеген.
- Джылкъыдан – ат чыгъар, тукъумдан – джаш чыгъар.
- Тойгъан джерге джети къайт.
- Чоюнну башы ачыкъ болса, итге уят керекди.
- Ач къарынны, токъ билмез
- Таула не мийик болсала да, аууш табылыр.
- Бети къызарыучу адамны, джюреги харам болмаз.
- Киштикге къанат битсе, чыпчыкъ къалмаз эди.
- Джан саулукъ бермей, сан саулукъ бермезсе.
- Тамырсыз терекге таянма – джыгъылырса.
- Башсыз урчукъ тюзюне айланмаз.
- Аманны тукъумуна къарама, игини тукъумун сорма.
- Ач бёрюге мекям джокъ.
- Тенгни тенглиги джашай барсанг билинир.
- Адеб базарда сатылмаз.
- Битмегеннге сакъал – танг.
- Джуртун къоругъан озар.
- Къралынгы – душмандан, башынгы от бла суудан сакъла.
- Джолунга кёре – джюрюшюнг, джагъанга кёре – юлюшюнг.
- Джарлы джети элни сёзюн этер.
- Аурууну келиую тынч, кетиую – къыйын.
- Кёл ашады да, кеси ашады.
- Терек ауса, отунчу – кёб.
- Къызын тута билмеген, тул этер, джашын тута билмеген, къул этер.
- Акъыл къартда, джашда тюйюлдю – башдады.
- Ёнгкюч къууана барыр, джылай келир.
- Арыгъан къош чамчы болур.
- Юй ишлеген балта эшикде къалыр.
- Аджашхан тёгерек айланыр.
- Ёзденликни кёбю ётюрюк.
- Харам къарнашдан, халал тенг ашхы.
- Эм ашхы къайын ана мамукъ бла башынгы тешер.
- Кимни – тили, тиши онглу, кимни – къолу, иши онглу.
- Кюн – узун, ёмюр – къысха.
- Къонакъ аз олтурур, кёб сынар.
Профиль
|
|
|
|||