- Аллахха ийнаннган кишини, Аллах онгдурур ишин.
- Тил бла келеди джыр да.
- Ач да бол, токъ да бол – намысынга бек бол.
- Тау башында, тау болмаз, джангыз терек, бау болмаз.
- Къазанчы аман болса, къазаны къайнамаз.
- Кёбге таш атма.
- Сабий болмагъан джерде, мёлек болмаз.
- Адебсиз адам – джюгенсиз ат.
- Ётюрюкню башын керти кесер.
- Бойнуму джети джерден кессенг да, мен ол ишни этеллик тюлме.
- Болджал ишни бёрю ашар.
- Ариу сёз джыланны орнундан чыгъарыр.
- Къонагъы джокъну – шоху джокъ.
- Ёксюзню тилеги къабыл болур.
- Аман адам этегингден тутса, кес да къач.
- Итли къонакъ джарашмаз.
- Тойгъандан сора, ашны сёкме.
- Джолунга кёре – джюрюшюнг, джагъанга кёре – юлюшюнг.
- Ургъан суудан башынгы сакъла.
- Джырына кёре эжиую.
- Адамны аманы адамны бети бла ойнар.
- Кийиминг бла танылма, адамлыкъ бла таныл.
- Ач, тоймам, дейди, тойгъан, ач болмам, дейди.
- Суу да къайтады чыкъгъан джерине.
- Окъуусуз билим – джокъ, билимсиз кюнюнг – джокъ.
- Къарт бла баш аша, джаш бла аякъ аша.
- Эм уллу байлыкъ – джан саулукъ.
- Ана къолу ачытмаз.
- Ана – юйню кюн джарыгъы.
- Борчунг бар эсе, хурджунунга ойлаб узал.
- Таукел адам тау тешер.
- Азыкъ аз болса, эртде орун сал.
- Этни бети бла шорпасы.
- Сёз – кюмюш, джыр – алтын.
- Тенги кёбню джау алмаз, акъылы кёбню дау алмаз.
- Сакъламагъан затынга джолукъсанг, не бек къууанаса, не бек ачыйса.
- Кёл ашады да, кеси ашады.
- Къумурсхала джыйылсала, пилни да джыгъадыла.
- Ёксюзню къалачы уллу кёрюнюр.
- Айтылгъан сёз ызына къайтмаз.
- Айранын берсенг, челегин да къызгъанма.
- Ишин билген, аны сыйын чыгъарады.
- Келинин тута билмеген, къул этер, къызын тута билмеген, тул этер.
- Къартны сыйын кёрмеген, къартлыгъында сыйлы болмаз.
- Кесине гебен этелмеген, биреуге черен эте эди.
- Джолда аягъынга сакъ бол, ушакъда тилинге сакъ бол.
- Бир онгсуз адам адет чыгъарды, деб эштирик тюлсе.
- Тюзню ётмеги тюзде къалса да, тас болмаз.
- Тынгылагъан тынгы бузар.
- Ойнай билмеген, оюн бузар.
Профиль
|
||||