- Кийиминг бла танылма, адамлыкъ бла таныл.
- Кюл тюбюндеги от кёрюнмейди.
- Аджалсыз ёлюм болмаз.
- Насыб бютеу халкъны юлюшюдю.
- Кесинг сынамагъан затны, адамгъа буюрма.
- Туз, гырджын аша, тюзлюк бла джаша.
- Ашаса, ашамаса да, бёрюню ауузу – къан.
- Ауузу аманнга «иги», деме.
- Кёзюнде тереги болгъан, чёбю болгъаннга кюле эди.
- Окъ къызбайны джокълайды.
- Кёбге таш атма.
- Акъыл аздырмаз, билим тоздурмаз.
- Билгенни къолу къарны джандырыр.
- Хаухну атма, ёнгкючню сатма.
- Байлыкъ тауусулур, билим тауусулмаз.
- Къан бла кирген, джан бла чыгъар.
- Агъач халкъгъа алтынды, иссиликге салкъынды.
- Тили узунну, намысы – къысха.
- Ёлген эшек бёрюден къоркъмайды.
- Башсыз урчукъ тюзюне айланмаз.
- Таякъ этден ётер, тил сюекден ётер.
- Эрни эр этерик да, къара джер этерик да, тиширыуду.
- Ханы къызы буюгъа-буюгъа киштик болду.
- Айырылмаз джууугъунга, унутмаз сёзню айтма.
- Аман адам этегингден тутса, кес да къач.
- Юреннген ауруу къалмаз.
- Адеби болмагъан къыз – тузсуз хант.
- Аманнга игилик этсенг, юйюнге сау бармазса.
- Садакъачыны джаны – къапчыгъында.
- Сабыр джетер муратха, сабырсыз къалыр уятха.
- Ким бла джюрюсенг, аны кёзю бла кёрюнюрсе.
- Тил бла келеди джыр да.
- Эки къатын алгъан – эки ташны ортасына башын салгъан.
- Айтхан – тынч, этген – къыйын.
- Тин – байлыгъынг, терен саулугъунг.
- Эки къатын алгъанны къулагъы тынгнгаймаз.
- Джарлы тюеге минсе да, ит къабар.
- Арбаз къынгырды да, ийнек сауалмайма.
- Харам къарнашдан, халал тенг ашхы.
- Акъыллы – эл иеси, тели – эл баласы.
- Къонакъ болсанг, ийнакъ бол.
- Биреу къой излей, биреу той излей.
- Акъыл къартда, джашда тюйюлдю – башдады.
- Къарнынг къанлынга кийирир.
- Ачны эсинде – аш.
- Ачылгъан эт джабылыр, кёрген кёз унутмаз.
- Къыйынлы джети элни къайгъысын этер.
- Джол бла сёзню къыйыры джокъ.
- Эл тойса, тоймагъан, эл къойса, къоймагъан.
- Ышармагъан – кюлмез, кюлмеген – къууанчны билмез.
Профиль
|
maxiaszxv
 Эльбрусоид
Баллов: 0
Регистрация: 10.01.2019
Последний визит: 10.01.2019 16:22:23
|
|
||||||
|
|
|
||||||