- Арбаз сайлама да, хоншу сайла.
- Насыб бютеу халкъны юлюшюдю.
- Ургъан суудан башынгы сакъла.
- Тёзген – тёш ашар!
- Чомарт къонакъ юй иесин сыйлар.
- Чомартны къолу берекет.
- Этни бети бла шорпасы.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ётюрюкден тюбю джокъ, кёлтюрюрге джиби джокъ.
- Элде адам къалмаса, ит тахтагъа минер.
- Адамны бетине къарама, адетине къара.
- Олтуруб кёрюнмей эди да, ёрге туруб кёрюне эди.
- Башланнган иш битер, къымылдагъан тиш тюшер.
- Къарны аманнга къазан такъдырма, къолу аманнга от джакъдырма.
- Чомартны къолун джокълукъ байлар.
- Къонакъны къачан кетерин сорма, къачан келлигин сор.
- Борчунг бар эсе, хурджунунга ойлаб узал.
- Ауругъаннга – кийик саулукъ, джетген къызгъа – чилле джаулукъ.
- Ариу – кёзге, акъыл – джюрекге.
- Таугъа чыгъаллыкъ эсенг, тюзде къалма.
- Нёгерсизни джолу узун.
- Ариуну – ауруу кёб.
- Тойгъанлыкъ къойгъа джарашады.
- Аманны эки битли тону болур, бирин сеннге кийдирир, бирин кеси киер.
- Биреу къой излей, биреу той излей.
- Тик ёргени, тик энгишгеси да болады.
- Эринчекге кюн узун.
- Билими азны – ауузунда кирит.
- Узун джолну барсанг, бюгюн келирсе, къысха джолну барсанг, тамбла келирсе.
- Уллу къашыкъ эрин джыртар.
- Ишлемеген – тишлемез.
- Намыс сатылыб алынмайды.
- Таула не мийик болсала да, аууш табылыр.
- Къонакъ аман болса, къонакъбай джунчур
- Ата Джуртча джер болмаз, туугъан элча эл болмаз.
- Окъуу – билимни ачхычы, окъуу – дунияны бачхычы.
- Ариу сёзде ауруу джокъ.
- Иги адам абынса да, джангылмаз.
- Сакъ юйюне сау барыр.
- Айранны сюйген, ийнек тутар.
- Джылкъыдан – ат чыгъар, тукъумдан – джаш чыгъар.
- Мал кёб болса, джууукъ кёб болур.
- Акъыллы айтыр эди, акъылсыз къоймайды.
- Ауурну тюбю бла, дженгилни башы бла джюрюген.
- Бек ашыкъгъан меннге джетсин, дегенди аракъы.
- Аманнга да, игиге да оноусуз къатышма.
- Кёзю сокъурдан – къоркъма, кёлю сокъурдан – къоркъ.
- Тюзлюк тас болмайды.
- Кёкдеги болмаса, джердегин кёрмейди.
- Эртде тургъан бла эртде юйленнген сокъуранмаз.
Профиль
|
||||