Эльбрусоид :: Форум

Ёгюзню мюйюзюнден тутадыла, адамны сёзюнден тутадыла.
Уллу атлама – абынырса, уллу къабма – къарылырса.
Къызгъанчдан ычхыныр, мухардан ычхынмаз.
Джылкъыдан – ат чыгъар, тукъумдан – джаш чыгъар.
Эллинг бла джау болсанг да, юйюнг бла джау болма.
Шапа кёб болса, аш татымсыз болур.
Джетген къыз джерли эшекни танымаз.
Ата джурт – алтын бешик.
Келлик заман – къартлыкъ келтирир, кетген заман – джашлыкъ ёлтюрюр.
Суу да къайтады чыкъгъан джерине.
Илму – джашауну джолу.
Тёгюлген тюгел джыйылмайды.
Aдам боллукъ, сыфатындан белгили.
Джерни букъусу кёкге къонмаз.
Иги болса, тамадама – махтау, аман болса, меннге – айыб.
Биреу ашаб къутулур, биреу джалаб тутулур.
Окъ къызбайны джокълайды.
Алтыда кюлмеген, алтмышда кюлмез.
Адамны аманы адамны бети бла ойнар.
Ашхы болсанг, атынг чыгъар, аман болсанг, джанынг чыгъар.
Аманны эки битли тону болур, бирин сеннге кийдирир, бирин кеси киер.
Кесине гебен этелмеген, биреуге черен эте эди.
Бети къызарыучу адамны, джюреги харам болмаз.
Тили узунну, намысы – къысха.
Ач да бол, токъ да бол – намысынга бек бол.
Билим ат болуб да чабар, къуш болуб да учар.
Чомартха Тейри да борчлуду.
Керек ташны ауурлугъу джокъ.
Оюмсуз атлагъан, аджалсыз ёлюр.
Ариуну – ауруу кёб.
Таукел тауну аудурур.
Аман къатын сабий табса, бий болур…
Туз, гырджын аша, тюзлюк бла джаша.
Эр абынмай, эл танымаз.
Джумушакъ сёз къаты таякъны сындырыр.
Ашыкъгъанны этеги бутуна чырмалыр.
Ашхы – джыяр, аман – джояр.
Сормай – алма, чакъырылмай – барма.
Гитче джилтин уллу элни джандырыр.
Акъыллы эркиши атын махтар, акъылсыз эркиши къатынын махтар.
Джашлыкъ этмеген, башлыкъ этмез.
Тик ёргени, тик энгишгеси да болады.
Байлыкъ келсе, акъыл кетер.
Насыб бютеу халкъны юлюшюдю.
Джылыгъа джылан илешир.
Адебни адебсизден юрен.
Тойгъа алгъа да барма, тойда артха да къалма.
Биреуге аманлыкъны тилеме да, кесинге ашхылыкъны тиле.
Ичимден чыкъды хата, къайры барайым сата?
Аджашхан тёгерек айланыр.

Логин:
Пароль:
	Запомнить меня на этом компьютере

Забыли свой пароль?
Регистрация