- Атлыны кёрсе, джаяуну буту талыр.
- Элиб деген, элге болушур.
- Босагъа таш юйге кирмей эди, тыбыр таш эшикге чыкъмай эди.
- Окъдан джара эртде-кеч болса да бителир, сёз джара, ёмюрге къалыр.
- Къонакъ болсанг, ийнакъ бол.
- Ачылгъан эт джабылыр, кёрген кёз унутмаз.
- Акъыл неден да кючлюдю.
- Ашаса, ашамаса да, бёрюню ауузу – къан.
- Бетинги сатма, малынгы сат.
- Аман къатын алгъан, арыр, иги къатын алгъан джарыр.
- Ариуну – ауруу кёб.
- Эли джокъну – кёлю джокъ.
- Суугъа – чабакъ, къаягъа – ыргъакъ.
- Ач уят къоймаз.
- Душманны тышы – акъ, ичи – къара.
- Таула не мийик болсала да, аууш табылыр.
- Адам къыйынлыгъын кёлтюрюр, зауукълугъун кёлтюрмез.
- Ургъан суудан башынгы сакъла.
- Джарашыу сюйген – джалынчакъ.
- Къозулугъунда тоймагъан, къойлугъунда тоймаз.
- Намысы болмагъанны, сыйы болмаз.
- Къолу уллу – асыу, аягъы уллу – джарсыу.
- Игини сыйлагъан адетди.
- Таукел къуру къалмаз.
- Тёгюлген тюгел джыйылмайды.
- Кёзюнде тереги болгъан, чёбю болгъаннга кюле эди.
- Тюзлюк шохлукъну бегитир.
- Мал кёб болса, джууукъ кёб болур.
- Магъанасыз сёз – тауушсуз сыбызгъы.
- Сёлеш деб шай берген, тохта деб, сом берген.
- Адамны аты башхача, акъылы да башхады.
- Акъыллы – эл иеси, тели – эл баласы.
- Этни бети бла шорпасы.
- Джыланны къуйругъундан басарынг келсе, аны башы болгъанын унутма.
- Къонакъ хазыр болгъанлыкъгъа, къонакъбай хазыр тюлдю.
- Ариу сёз аурууунгу алыр.
- Ичимден чыкъды хата, къайры барайым сата?
- Болджал ишни бёрю ашар.
- Къартха ушагъан джаш – акъыллы, джашха ушагъан къарт – тели.
- Арбаз сайлама да, хоншу сайла.
- Ёлюр джаннга, ёкюл джокъ.
- Ауурну тюбю бла, дженгилни башы бла джюрюген.
- Тенгни тенглиги джашай барсанг билинир.
- Таугъа чыгъаллыкъ эсенг, тюзде къалма.
- Кийим тукъум сордурур.
- Къарнынг къанлынга кийирир.
- Джюрекден джюрекге джол барды.
- Эринчекге кюн узун.
- Ачны эсинде – аш.
- Махтаннган къыз, тойда джукълар.
Профиль
|
|
|
|||