- Таш бла ургъанны, аш бла ур.
- Къар – келтирди, суу – элтди.
- Билмейме деген – бир сёз
- Ачылгъан эт джабылыр, кёрген кёз унутмаз.
- Атынг аманнга чыкъгъандан эсе, джанынг тамагъынгдан чыкъсын.
- Билим къая тешер.
- Этек чакъмакълары баш джаргъан, сёлешген сёзлери таш джаргъан.
- Байма, деб да, къууанма, джарлыма, деб да, джылама.
- Эшекни не къадар тюйсенг да, ат болмаз.
- Дуния малгъа сатылма, кесингден телиге къатылма.
- Кенгеш болса, уруш болмаз.
- Акъыллы – эл иеси, тели – эл баласы.
- Кийимни бир кюнню аясанг, минг кюннге джарар.
- Окъдан джара эртде-кеч болса да бителир, сёз джара, ёмюрге къалыр.
- Адамны аманы адамны бети бла ойнар.
- Джарлыны эшигин махтагъан джабар.
- Эр абынмай, эл танымаз.
- Адебсиз адам – джюгенсиз ат.
- Ач, тоймам, дейди, тойгъан, ач болмам, дейди.
- Къайтырыкъ эшигинги, къаты уруб чыкъма.
- Олтуруб кёрюнмей эди да, ёрге туруб кёрюне эди.
- Аман къатын сабий табса, бий болур…
- Къартны сыйын кёрмеген, къартлыгъында сыйлы болмаз.
- Ач бёрюге мекям джокъ.
- Таула не мийик болсала да, аууш табылыр.
- Аман эсирсе, юйюн ояр.
- Ёлюр джаннга, ёкюл джокъ.
- Хаухну атма, ёнгкючню сатма.
- Юреннген ауруу къалмаз.
- Чомартны къолу берекет.
- Ач келгенни – тойдур, кеч келгенни – къондур.
- Нарт сёз къарт болмаз.
- Нафысынгы айтханын этме, намысынгы айтханын эт.
- Джеринден айырылгъан – джети джылар, джуртундан айырылгъан – ёлгюнчю джылар.
- Джюрекге ариу – кёзге да ариу.
- Алтыда кюлмеген, алтмышда кюлмез.
- Садакъачыны джаны – къапчыгъында.
- Ашыкъгъан cуу, тенгизге джетмез.
- Телиге от эт десенг, юйюнге от салыр.
- Тёрдеги кюлсе, эшикдеги ышарыр.
- Тойгъанлыкъ къойгъа джарашады.
- Ханнга да келеди хариблик.
- Адамны сабийин сюйген джюреги, бычакъча, джитиди.
- Накъырда – кертини келечиси.
- Азыкъ аз болса, эртде орун сал.
- Нёгерсизни джолу узун.
- Кёбге таш атма.
- Къонакъны къачан кетерин сорма, къачан келлигин сор.
- Джауумдан сора, кюн кюйдюрюр, ётюрюкден сора, айыб кюйдюрюр.
- Чабакъ башындан чирийди.
Профиль
|
|
|
|||