- Ишлегенден, къарагъан уста.
- Эртде тургъан бла эртде юйленнген сокъуранмаз.
- Бастасын ашагъан, хантусун да ичер.
- Къарны аманнга къазан такъдырма, къолу аманнга от джакъдырма.
- Бек ашыкъгъан меннге джетсин, дегенди аракъы.
- Ашарыкъда сайлагъаннга – чий гырджын.
- Таула не мийик болсала да, аууш табылыр.
- Ана къойну – балагъа джандет.
- Ёлюр джаннга, ёкюл джокъ.
- Артына баргъанны, къатына барма.
- Хар сёзню орну барды.
- Къая джолда джортма, ачыкъ сёзден къоркъма.
- Джарлы тюеге минсе да, ит къабар.
- Хансыз джомакъ болмаз.
- Тил джюрекге джол ишлейди.
- Джырына кёре эжиую.
- Джюрекден джюрекге джол барды.
- Ашлыкъ – бюртюкден, джюн – тюкден.
- Чабакъгъа акъыл, табагъа тюшсе келеди.
- Тилчи бир сагъатха айлыкъ хата этер.
- Телиге от эт десенг, юйюнге от салыр.
- Келгинчи, къонакъ уялыр, келгенден сора, къонакъбай уялыр.
- Тёзгеннге, джабылгъан эшик ачылыр.
- Тенгинг джокъ эсе – изле, бар эсе – сакъла!
- Къанны къан бла джуума, аманны аман бла къуума.
- Хата – гитчеден.
- Эки итни арасына сюек атма, эки адамны арасында сёз чыгъарма.
- Айырылгъанланы айю ашар, бёлюннгенлени бёрю ашар.
- Онгсузну – джакъла, тенгликни – сакъла.
- Кимни – тили, тиши онглу, кимни – къолу, иши онглу.
- Сагъышы джокъ – джукъучу, акъылы джокъ – къаугъачы.
- Бети бедерден, намыс сакълама.
- Тулпарлыкъ, билекден тюл – джюрекден.
- Гугук кесини атын айтыб къычыргъанча, мен, мен деб нек тураса?
- Иги сеники эсе да, сюйген кесимикин этеме.
- Окъуусуз билим – джокъ, билимсиз кюнюнг – джокъ.
- Ойнай билмеген, уруб къачар.
- Керти сёзге тёре джокъ.
- Урунуу – насыбны анасы.
- Ач къарынны, токъ билмез
- Ашха уста, юйюнде болсун
- Джылыгъа джылан илешир.
- Кёб ант этген, кёб ётюрюк айтыр.
- Ёксюзню тилеги къабыл болур.
- Чомартны къолу берекет.
- Ачыкъ джюрекге джол – ачыкъ.
- Акъыл сабырлыкъ берир.
- Ёлген ийнек сютлю болур.
- Къаллай салам берсенг, аллай джууаб алырса.
- Джылкъыдан – ат чыгъар, тукъумдан – джаш чыгъар.
Профиль
|
|
|||