- Урама да – ёледи, сатама да – келеди.
- Байлыкъ тауусулур, билим тауусулмаз.
- Сакъ юйюне сау барыр.
- Акъыллы башны – тили къысха.
- Джумушакъ сёз къаты таякъны сындырыр.
- Къонакъны къачан кетерин сорма, къачан келлигин сор.
- Накъырданы арты керти болур.
- Ёгюзню мюйюзюнден тутадыла, адамны сёзюнден тутадыла.
- Къазанны башы ачыкъ болса, итге уят керекди.
- Сескекли кесин билдирир.
- Сакъламагъан затынга джолукъсанг, не бек къууанаса, не бек ачыйса.
- Аман къатын сабий табса, бий болур…
- Адамны аты башхача, акъылы да башхады.
- От кюйдюрген, сау болса да, тот кюйдюрген, сау болмаз.
- Сабыр джетер муратха, сабырсыз къалыр уятха.
- Сабий кёргенин унутмаз.
- Нёгерсизни джолу узун.
- Рысхы джалгъанды: келген да этер, кетген да этер.
- Кюл тюбюндеги от кёрюнмейди.
- Адебни адебсизден юрен.
- Уллу айтханны этмеген – уллаймаз.
- Атлыны ашхысы, ат тизгининден билинир
- Аманны тукъумуна къарама, игини тукъумун сорма.
- Эр сокъур болсун, къатын тилсиз болсун.
- Мухардан ач ычхынмаз.
- Джолда аягъынга сакъ бол, ушакъда тилинге сакъ бол.
- Таукел къуру къалмаз.
- От этилмеген джерден тютюн чыкъмайды.
- Кёбден умут этиб, аздан къуру къалма.
- Ашаса, ашамаса да, бёрюню ауузу – къан.
- Къыз келсе, джумуш эте келеди, къатын келсе, ушакъ эте келеди.
- Сютден ауузу кюйген, суугъа юфгюре эди.
- Айран ичген – къутулду, джугъусун джалагъан – тутулду.
- Эки элинги тыйсанг, джети элде махталырса.
- Бети – къучакълар, джюреги – бычакълар.
- Кеси юйюмде мен да ханма.
- Намысы болмагъанны, сыйы болмаз.
- Сормай – алма, чакъырылмай – барма.
- Ашына кёре табагъы, балына кёре къалагъы.
- Адам сёзюнден белгили.
- Тенгинг джокъ эсе – изле, бар эсе – сакъла!
- Ушамагъан – джукъмаз.
- Бети къызарыучу адамны, джюреги харам болмаз.
- Накъырда – кертини келечиси.
- Сабий болмагъан джерде, мёлек болмаз.
- Чакъырылмагъан джерге барма, чакъырылгъан джерден къалма.
- Зарда марда джокъ.
- Нарт сёз – тилни бети.
- Юйюнгден чыкъдынг – кюнюнгден чыкъдынг.
- Иги сеники эсе да, сюйген кесимикин этеме.
Профиль
|
|
|||