Эльбрусоид :: Форум

Чабакъ башындан чирийди.
Зар адам ашынгы ашар, кесинги сатар.
Байлыкъдан саулукъ ашхыды.
Тойгъан антын унутур.
Ана къолу ачытмаз.
Ашхы сёз таш тешер.
Аякъларынгы джууургъанынга кёре узат.
Тешигини къатында, чычхан да батыр болур.
Ат басханны джер билед.
Таукел къуру къалмаз.
Ашыкъгъанны этеги бутуна чырмалыр.
Кёлю джокъну – джолу джокъ.
Башы джабылгъан челекге, кир тюшмез.
Эринчекни эр алмаз, эр алса да, кёл салмаз, кёл салса да, кёб бармаз!
Тилчи бир сагъатха айлыкъ хата этер.
Къулакъдан эсе, кёзге ышан.
Мен да «сен», дейме, сен да «кесим», дейсе.
Аман адамны тепсинге олтуртсанг, къызынгы тилер.
Джылкъыдан – ат чыгъар, тукъумдан – джаш чыгъар.
Махтаннган къыз, тойда джукълар.
Айранын берсенг, челегин да къызгъанма.
Тойчу джашха къарама, къойчу джашха къара.
Кесине гебен этелмеген, биреуге черен эте эди.
Тёрени джагъы джокъ.
Арпа, будай – ащды, алтын, кюмюш а – ташды.
Ёгюзню мюйюзлери ауурлукъ этмейдиле.
Суу ичген шауданынга тюкюрме.
Сабыр джетер муратха, сабырсыз къалыр уятха.
Тил – кесген бычакъ, сёз – атылгъан окъ.
Мени джылытмагъан кюн, меннге тиймесин!
Ашхы адам – халкъ байлыгъы, ашхы джер – джашау байлыгъы.
Тиширыусуз юй – отсуз от джагъа.
Ариу сёзде ауруу джокъ.
Ауурну тюбю бла, дженгилни башы бла джюрюген.
Ишленмеклик адамлыкъды.
Тили узунну, намысы – къысха.
Кютгени беш эчки, сызгъыргъаны уа, джерни джарады.
Аллахха ийнаннган кишини, Аллах онгдурур ишин.
Адамны бетине къарама, адетине къара.
Хар сёзню орну барды.
Тулпарлыкъ, билекден тюл – джюрекден.
Акъыл бла адеб эгизледиле.
Ишни ахырын ойламай, аллын башлама.
Аманны эки битли тону болур, бирин сеннге кийдирир, бирин кеси киер.
Тойгъанлыкъ къойгъа джарашады.
Аман адам этегингден тутса, кес да къач.
Уллу къазанда бишген эт, чий къалмаз.
Аджашханны ызындагъы кёреди, джангылгъанны джанындагъы биледи.
Аш иеси бла татлыды.
Таукел тауну аудурур.

Логин:
Пароль:
	Запомнить меня на этом компьютере

Забыли свой пароль?
Регистрация