Эльбрусоид :: Форум

Адам сёзюнден белгили.
Термилгенинги табмазса, кюлгенинге тюберсе.
Байны оноуу, джарлыгъа джарамаз.
Суу ичген шауданынга тюкюрме.
Биреуге аманлыкъны тилеме да, кесинге ашхылыкъны тиле.
Минг тенг да азды, бир джау да кёбдю.
Хар сёзню орну барды.
Байдан умут эте, джарлыдан ёгюз багъасы къорады.
Ач уят къоймаз.
Ашына кёре табагъы, балына кёре къалагъы.
Ачны эсинде – аш.
Алим болгъандан эсе, адам болгъан къыйынды.
Таукел къуру къалмаз.
Джылар джаш, атасыны сакъалы бла ойнар.
Чабакъсыз кёлге къармакъ салгъанлыкъгъа, чабакъ тутмазса.
Берекет берсин деген джерде, берекет болур.
Таш ата билмеген, башына урур.
Ёлюк кебинсиз къалмаз.
Эл тойса, тоймагъан, эл къойса, къоймагъан.
Ётюрюк хапар аякъ тюбю бла джюрюйдю.
Кёбню кёрген – кёб билир.
Иесиз малны бёрю ашар.
Тёрде – темир таякълы, къаяда – чыпчыкъ аякълы.
Тура эдим джата, къайдан чыкъды хата?
Джолда аягъынга сакъ бол, ушакъда тилинге сакъ бол.
Мал кёб болса, джууукъ кёб болур.
Къанны къан бла джуума, аманны аман бла къуума.
Шайтан алдады, тюзлюк къаргъады.
Адебсиз адам – джюгенсиз ат.
Намысы болмагъанны, сыйы болмаз.
Мухардан ач ычхынмаз.
Окъуу – билимни ачхычы, окъуу – дунияны бачхычы.
Къыз келсе, джумуш эте келеди, къатын келсе, ушакъ эте келеди.
Байма, деб да, къууанма, джарлыма, деб да, джылама.
Рысхы – насыбха къор.
Джашынгы кесинг юретмесенг, джашау юретир.
Сютден ауузу кюйген, суугъа юфгюре эди.
Джаз бир кюнню джатсанг, къыш талай кюнню абынырса.
Бёрю да ач къалмасын, эчки да ашалмасын.
Уллу атлама – абынырса, уллу къабма – къарылырса.
Адам бла мюлк юлешмеген эсенг, ол адамны билиб бошагъанма, деб кесинги алдама.
Кёб джашагъан – кёб билир.
Болджал ишни бёрю ашар.
Уллу айтханны этмеген – уллаймаз.
Урама да – ёледи, сатама да – келеди.
Миллетни бойну – базыкъ, аны бла кюрешген – джазыкъ.
Джарлы эскисин джамаса, къууаныр.
Ариу сёз – къылычдан джити.
Ёлюр джаннга, ёкюл джокъ.
Джарлыны тону джаз битер.

Логин:
Пароль:
	Запомнить меня на этом компьютере

Забыли свой пароль?
Регистрация