- Татлы сёз – балдан татлы.
- Адам сёзге тынгыла, акъыл сёзню ангыла.
- Экиндини кеч къылсанг, чабыб джетер ашхам.
- Билимсиз иш бармаз.
- Чыкълы кюнде чыкъмагъан, чыкъса къуру кирмеген.
- Насыблы элин сюер, насыбсыз кесин сюер.
- Чалманны аллы къалай башланса, арты да алай барады.
- Билимден уллу байлыкъ джокъду.
- Тёрде – темир таякълы, къаяда – чыпчыкъ аякълы.
- Аман къатын сабий табса, бий болур…
- Эки къатын алгъан – эки ташны ортасына башын салгъан.
- Аман адам элни бир-бирине джау этер.
- Хаухну атма, ёнгкючню сатма.
- Кёз – сюйген джерде, къол – ауругъан джерде.
- Къонакъ аз олтурур, кёб сынар.
- Джаным-тиним – окъуу, билим.
- Джауумдан сора, кюн кюйдюрюр, ётюрюкден сора, айыб кюйдюрюр.
- Айран тёгюлсе, джугъусу къалыр.
- Ариуну – ауруу кёб.
- Шайтан алдады, тюзлюк къаргъады.
- Джарлы джети элни сёзюн этер.
- Ойнай билмеген, оюн бузар.
- Аууздан келген, къолдан келсе, ким да патчах болур эди.
- Хар сёзню орну барды.
- Нёгерсизни джолу узун.
- Урунуу – насыбны анасы.
- Экеулен сёлеше тура эселе, орталарына барыб кирме.
- Акъыл неден да кючлюдю.
- Эли джокъну – кёлю джокъ.
- Кёл – къызбай, къол – батыр.
- Къызын тута билмеген, тул этер, джашын тута билмеген, къул этер.
- Юйюнгден чыкъдынг – кюнюнгден чыкъдынг.
- Джогъун бар этген, барын бал этген.
- Акъыл аздырмаз, билим тоздурмаз.
- Сыфатында болмагъаны, суратында болмаз.
- Аш хазыр болса, иш харам болур.
- Тойгъа алгъа да барма, тойда артха да къалма.
- Ана къолу ачытмаз.
- Босагъагъа джууукъ орун болса, ашыгъыб тёрге озма.
- Аш иеси бла татлыды.
- Азыкълы ат арымаз, къатыны аман джарымаз.
- Халкъгъа джарагъан, джарлы къалмаз.
- Эшекни не къадар тюйсенг да, ат болмаз.
- Ата Джуртуму башы болмасам да, босагъасында ташы болайым.
- Кёлю джокъну – джолу джокъ.
- Тыш элде солтан болгъандан эсе, кесинги элде олтан болгъан игиди!
- Ариу сёз – къылычдан джити.
- Эркишиге тары кебек танг кёрюнюр.
- Кирсизни – саны таза, халалны – къаны таза.
- Адамны сыфатына къарама, сёзюне къара.
Профиль
|
|
|||