Расширенный поиск
11 Мая 2025 года
Логин: Регистрация
Пароль: Забыли пароль?
Навигация
Словарь
  • Таула не мийик болсала да, аууш табылыр.
  • Ашхы атаны – джашы ашхы, ашхы ананы – къызы ашхы.
  • Уллу айтханны этмеген – уллаймаз.
  • Къанны къан бла джуума, аманны аман бла къуума.
  • Босагъагъа джууукъ орун болса, ашыгъыб тёрге озма.
  • Къарнынг къанлынга кийирир.
  • Биреуню къыйынлыгъы бла кесинге джол ишлеме.
  • Элде адам къалмаса, ит тахтагъа минер.
  • Ёпкелегенни ашы татлы болады.
  • Бойнуму джети джерден кессенг да, мен ол ишни этеллик тюлме.
  • Иесиз малны бёрю ашар.
  • Керти сёзге тёре джокъ.
  • Кийимни бичсенг, кенг бич, тар этген къыйын тюлдю.
  • Ёлюр джаннга, ёкюл джокъ.
  • Хата – гитчеден.
  • Бал ашаргъа сюе эсенг, чибин ургъаннга тёз.
  • Башланнган иш битер, къымылдагъан тиш тюшер.
  • Билмезни кёзю кёрмез, этмезни къулагъы эшитмез.
  • Байма, деб да, къууанма, джарлыма, деб да, джылама.
  • Тёзген – тёш ашар!
  • Ёксюзню тилеги къабыл болур.
  • Элиб деген, элге болушур.
  • Тешик этген тынчды, аны джамагъан къыйынды.
  • Адам къыйынлыгъын кёлтюрюр, зауукълугъун кёлтюрмез.
  • Мал ёлсе, сюек къалыр, адам ёлсе, иши къалыр.
  • Намысы джокъну – дуниясы джокъ.
  • Ишленмеген джаш – джюгенсиз ат, ишленмеген къыз – тузсуз хант.
  • Къызбайны юйюне дери сюрсенг, батыр болур.
  • Къобан да къуру да къобханлай турмайды, адам да къуру да патчахлай турмайды.
  • Харам къарнашдан, халал тенг ашхы.
  • Сууда джау джокъ, кёб сёзде магъана джокъ.
  • Ачлыкъ отха секиртир.
  • Джарлы джети элни сёзюн этер.
  • Тёзгеннге, джабылгъан эшик ачылыр.
  • Юй ишлеген балта эшикде къалыр.
  • Ата джурт – алтын бешик.
  • Къулакъдан эсе, кёзге ышан.
  • Окъуусуз билим – джокъ, билимсиз кюнюнг – джокъ.
  • Мал тутхан – май джалар.
  • Билген билмегенни юретген адетди.
  • Рысхы – сют юсюнде кёмюк кибикди.
  • Башынга джетмегенни сорма.
  • Насыблы элин сюер, насыбсыз кесин сюер.
  • Ауурну тюбю бла, дженгилни башы бла джюрюген.
  • Ана къойну – балагъа джандет.
  • Ач бёрюге мекям джокъ.
  • Кийим тукъум сордурур.
  • Термилгенинги табмазса, кюлгенинге тюберсе.
  • Суу кетер, таш къалыр.
  • Ач къалгъандан, кеч къалгъан къолай.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии