Эльбрусоид :: Эльбрусоид

Эки ойлашыб, бир сёлешген.
Къобан да къуру да къобханлай турмайды, адам да къуру да патчахлай турмайды.
Къонагъынгы артмагъын алма да, алгъышын ал.
Тилчи тилден къаныкъмаз.
Эркиши – от, тиширыу – суу.
Къолу уллу – асыу, аягъы уллу – джарсыу.
Тойну къарнашы – харс, джырны къарнашы – эжиу.
Ач келгенни – тойдур, кеч келгенни – къондур.
Ач отунчуну ачыуу – бурнунда.
Чабар ат – джетген къыз.
Сангырау къулакъ эл бузар.
Гырджын – тепсини тамадасы.
Джылыгъа джылан илешир.
Ауурну тюбю бла, дженгилни башы бла джюрюген.
Кёб ант этген, кёб ётюрюк айтыр.
Адеб базарда сатылмаз.
Тёрде – темир таякълы, къаяда – чыпчыкъ аякълы.
Зар адамны насыбы болмаз.
Джюрек кёзден алгъа кёрюр.
Къууут – джелге, берне – бошха.
Ашатыргъа иш – ашхы, ишлетирге аш – ашхы.
Аман къатын сабий табса, бий болур…
Окъугъан озар, окъумагъан тозар.
«Ма», - дегенни билмесенг, «бер», - дегенни билмезсе.
Биреуге аманлыкъ этиб, кесинге игилик табмазса.
Азыкъ аз болса, эртде орун сал.
Къарнынг къанлынга кийирир.
Иги бла джюрюсенг, джетерсе муратынга, аман бла джюрюсенг, къалырса уятха.
Ойнай билмеген, оюн бузар.
Къыз тиширыу кеси юйюнде да къонакъды.
Уруну арты – къуру.
Джюрекден джюрекге джол барды.
Уллу къазанда бишген эт, чий къалмаз.
Суугъа – таянма, джаугъа – ийнанма.
Иги сёз – джаннга азыкъ, аман сёз башха – къазыкъ.
Эл ауузу – элия.
Айыбны суу бла джууалмазса.
Малны кют, джерни тюрт.
Ашда – бёрю, ишде – ёлю.
Шайтан алдады, тюзлюк къаргъады.
Ашлыкъны арба юйге келтирир, чана базаргъа элтир.
Эл тойса, тоймагъан, эл къойса, къоймагъан.
Термилгенинги табмазса, кюлгенинге тюберсе.
Бастасын ашагъан, хантусун да ичер.
Джол бла сёзню къыйыры джокъ.
Джаралыны джастыгъында сау ёлюр.
Кийим тукъум сордурур.
Сабийни джумушха джибер да, ызындан бар.
Огъурлуну сёзю – суу, огъурсузну сёзю – уу.
Къанны къан бла джуума, аманны аман бла къуума.