- Чомартны къолун джокълукъ байлар.
- Къарнынг ауруса, ауузунгу тый
- Эл элде бирер малынг болгъандан эсе, бирер тенгинг болсун.
- Къарны аманнга къазан такъдырма, къолу аманнга от джакъдырма.
- Чомарт къонакъ юй иесин сыйлар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къатын байлыкъны сюер, эр саулукъну сюер.
- Тулпарлыкъ, билекден тюл – джюрекден.
- Нафысынгы айтханын этме, намысынгы айтханын эт.
- Ётюрюкню башын керти кесер.
- Бети – къучакълар, джюреги – бычакълар.
- Алим болгъандан эсе, адам болгъан къыйынды.
- Босагъа таш юйге кирмей эди, тыбыр таш эшикге чыкъмай эди.
- Арыгъан къош чамчы болур.
- Ёмюрлюк шохлукъну джел элтмез.
- Джан саулукъ бермей, сан саулукъ бермезсе.
- Ойнай билмеген, оюн бузар.
- Хата – гитчеден.
- Джерни букъусу кёкге къонмаз.
- Сыфатында болмагъаны, суратында болмаз.
- Сууда джау джокъ, кёб сёзде магъана джокъ.
- Сескекли кесин билдирир.
- Къартны бурнун сюрт да, оноугъа тут.
- Уллу сёлешме да, уллу къаб.
- Тёрде – темир таякълы, къаяда – чыпчыкъ аякълы.
- Иесиз малны бёрю ашар.
- Къыйынлы джети элни къайгъысын этер.
- Гитче джилтин уллу элни джандырыр.
- Къартха ушагъан джаш – акъыллы, джашха ушагъан къарт – тели.
- Эл ауузу – элек, анга ийнаннган – халек.
- Сагъышы джокъ – джукъучу, акъылы джокъ – къаугъачы.
- Ачыкъ джюрекге джол – ачыкъ.
- Аджал соруб келмез, келсе, къайтыб кетмез.
- Байны оноуу, джарлыгъа джарамаз.
- Чакъырылмагъан джерге барма, чакъырылгъан джерден къалма.
- Къонакъ кёб келюучю юйню, къазаны отдан тюшмез.
- Магъанасыз сёз – тауушсуз сыбызгъы.
- Эте билген, этген этеди, эте билмеген, юретген этеди!
- Узун джолну барсанг, бюгюн келирсе, къысха джолну барсанг, тамбла келирсе.
- Иги сёз – джаннга азыкъ, аман сёз башха – къазыкъ.
- Этни бети бла шорпасы.
- Садакъачыны джаны – къапчыгъында.
- Накъырданы арты керти болур.
- Сютден ауузу кюйген, суугъа юфгюре эди.
- Атлыны ашхысы, ат тизгининден билинир
- Ётюрюк хапар аякъ тюбю бла джюрюйдю.
- Джыланны къуйругъундан басарынг келсе, аны башы болгъанын унутма.
- Эр абынмай, эл танымаз.
- Ишлегенден, къарагъан уста.
- Тыш элде солтан болгъандан эсе, кесинги элде олтан болгъан игиди!
Sarbashev.Aznor
|