- Адамны сабийин сюйген джюреги, бычакъча, джитиди.
- Ёгюзню мюйюзлери ауурлукъ этмейдиле.
- Тёрени джагъы джокъ.
- Шапа кёб болса, аш татымсыз болур.
- Игини сыйлагъан адетди.
- Аманнга алтын чыдамаз.
- Бюгюн дуния кибик, тамбла ахыратды.
- Чомартха хар кюн да байрамды.
- Ашыкъгъанны этеги бутуна чырмалыр.
- Хата – гитчеден.
- Джарлы эскисин джамаса, къууаныр.
- Бир онгсуз адам адет чыгъарды, деб эштирик тюлсе.
- Рысхы – сют юсюнде кёмюк кибикди.
- Аш берме да, къаш бер.
- Къарт болгъан джерде, берекет болур, сабий болгъан джерде, оюн болур.
- Тамбла алтындан бюгюн багъыр ашхы.
- Чабакъ башындан чирийди.
- Аджалсыз ёлюм болмаз.
- Аууздан келген, къолдан келсе, ким да патчах болур эди.
- Окъугъан – асыу, окъумагъан – джарсыу.
- Ач бёрюге мекям джокъ.
- Акъыллы эркиши атын махтар, акъылсыз эркиши къатынын махтар.
- Билимсиз иш бармаз.
- Ариу сёз аурууунгу алыр.
- Экеулен сёлеше тура эселе, орталарына барыб кирме.
- Джол бла сёзню къыйыры джокъ.
- Таукел адам тау тешер.
- Элде адам къалмаса, ит тахтагъа минер.
- Джашны джигитлиги сорулур, къызны джигерлиги сорулур.
- Уллу къазанда бишген эт, чий къалмаз.
- Къая джолда джортма, ачыкъ сёзден къоркъма.
- Ишлерге уял да, ашаргъа табма.
- Эртде тургъан джылкъычыны эркек аты тай табар.
- Башда акъыл болмаса, эки аякъгъа кюч джетер.
- Намысы джокъну – дуниясы джокъ.
- Адам боллукъ, атламындан белгили болур.
- Олтуруб кёрюнмей эди да, ёрге туруб кёрюне эди.
- Ашда уялгъан – мухар, ишде уялгъан – хомух.
- Мухардан ач ычхынмаз.
- Нарт сёз къарт болмаз.
- Окъумагъан сокъурду, сокъур ташха абыныр!
- Ишлемеген – тишлемез.
- Къайгъыны сюйген, къайгъы табар.
- Биреуге кёлтюрген таягъынг, кесинги башынга урур.
- Къайтырыкъ эшигинги, къаты уруб чыкъма.
- Ишни аллы бла къууанма да, арты бла къууан.
- Aдам боллукъ, сыфатындан белгили.
- Аман къатын алгъан, арыр, иги къатын алгъан джарыр.
- Окъдан джара эртде-кеч болса да бителир, сёз джара, ёмюрге къалыр.
- Хаухну атма, ёнгкючню сатма.