Эльбрусоид :: Эльбрусоид

Джырына кёре эжиую.
Халкъны джырын джырласанг, халкъ санга эжиу этер.
Тас болгъан бычакъны сабы – алтын.
Дуния малгъа сатылма, кесингден телиге къатылма.
Башы джабылгъан челекге, кир тюшмез.
Ата – билек, ана – джюрек!
Урама да – ёледи, сатама да – келеди.
Тулпарлыкъ, билекден тюл – джюрекден.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Эртде тургъан бла эртде юйленнген сокъуранмаз.
Кёзю сокъурдан – къоркъма, кёлю сокъурдан – къоркъ.
Кёзден кетген, кёлден да кетеди.
Билими азны – ауузунда кирит.
Аджашхан тёгерек айланыр.
Тенгни тенглиги джашай барсанг билинир.
Къарнынг ауруса, ауузунгу тый
Ариу джол аджал келтирмез.
Адеб джокъда, намыс джокъ.
Къызын тута билмеген, тул этер, джашын тута билмеген, къул этер.
Аджал соруб келмез, келсе, къайтыб кетмез.
Тиширыусуз юй – отсуз от джагъа.
Тешигини къатында, чычхан да батыр болур.
Ашхылыкъ джерде джатмайды, аманлыкъ суугъа батмайды.
Юй кюйдю да, кюйюз чыкъды, ортасындан тюйюш чыкъды.
Атынг аманнга чыкъгъандан эсе, джанынг тамагъынгдан чыкъсын.
Хантына кёре тузу, юйюне кёре къызы.
Мени джылытмагъан кюн, меннге тиймесин!
Тик ёргени, тик энгишгеси да болады.
Бал чибинни ургъаны – ачы, балы – татлы.
Билмейме деген – бир сёз
Джылыгъа джылан илешир.
Эринчекни аурууу – кёб.
Борчунг бар эсе, хурджунунга ойлаб узал.
Аманны эки битли тону болур, бирин сеннге кийдирир, бирин кеси киер.
Адамны сыфатына къарама, сёзюне къара.
Джарлыны тону джаз битер.
Тюз сёз баргъан сууну тыяр.
Эшекге миннген – биринчи айыб, андан джыгъылгъан – экинчи айыб.
Ариу сёз – джаннга азыкъ, аман сёз – башха къазыкъ.
Джиби бир къат джетмей эди да, эки къат тарта эди.
Эрине къаргъыш этген къатын, эрнин къабар.
Джаным-тиним – окъуу, билим.
Уллу къашыкъ эрин джыртар.
Джарлы джети элни сёзюн этер.
Ёлюр джаннга, ёкюл джокъ.
Джашны джигитлиги сорулур, къызны джигерлиги сорулур.
Ана къойну – балагъа джандет.
Чалманны аллы къалай башланса, арты да алай барады.
Ёксюзню къалачы уллу кёрюнюр.
Джаш болсун, къыз болсун, акъылы, саны тюз болсун.