- Атынг аманнга чыкъгъандан эсе, джанынг тамагъынгдан чыкъсын.
- Узун джолну барсанг, бюгюн келирсе, къысха джолну барсанг, тамбла келирсе.
- Суу да къайтады чыкъгъан джерине.
- Байлыкъдан саулукъ ашхыды.
- Кёз – сюйген джерде, къол – ауругъан джерде.
- Ана – юйню кюн джарыгъы.
- Айыбны суу бла джууалмазса.
- Иги адам абынса да, джангылмаз.
- Ишлемеген – тишлемез.
- Биреуге аманлыкъ этиб, кесинге игилик табмазса.
- Накъырда – кертини келечиси.
- Эртде тургъан бла эртде юйленнген сокъуранмаз.
- Рысхы – сют юсюнде кёмюк кибикди.
- Сууда джау джокъ, кёб сёзде магъана джокъ.
- Чакъырылмагъан къонакъ – орунсуз.
- Намысы джокъну – дуниясы джокъ.
- Джангыз терек къынгыр ёсер.
- Сабийликде юретмесенг, уллу болса – тюзелмез.
- Баш – акъыл ючюн, акъылман – халкъ ючюн.
- Чалманны аллы къалай башланса, арты да алай барады.
- Хар сёзню орну барды.
- Шапа кёб болса, аш татымсыз болур.
- Билим ат болуб да чабар, къуш болуб да учар.
- Ишлегенден, къарагъан уста.
- Берекет берсин деген джерде, берекет болур.
- Къууут – джелге, берне – бошха.
- Тыш элде солтан болгъандан эсе, кесинги элде олтан болгъан игиди!
- Джылар джаш, атасыны сакъалы бла ойнар.
- Къарнынг къанлынга кийирир.
- Эллинг бла джау болсанг да, юйюнг бла джау болма.
- Гыдай эчки суугъа къараб, мюйюзле кёрмесе, джашма алкъын, дегенди.
- Ёзденликни джайгъан – джокълукъ.
- Ётюрюк хапар аякъ тюбю бла джюрюйдю.
- Чакъырылмагъан къонакъ къачан кетерин сормаз.
- Аман адам элни бир-бирине джау этер.
- Адам боллукъ, атламындан белгили болур.
- Тулпарлыкъ, билекден тюл – джюрекден.
- Нафысынгы айтханын этме, намысынгы айтханын эт.
- Адебсиз адам – джюгенсиз ат.
- Тойгъан джерден туугъан джер игиди.
- Тюкюрюк баш джармаз, налат кёз чыгъармаз!
- Иги бла джюрюсенг, джетерсе муратынга, аман бла джюрюсенг, къалырса уятха.
- Арыгъан къош чамчы болур.
- Кимни – тили, тиши онглу, кимни – къолу, иши онглу.
- Къар – келтирди, суу – элтди.
- Элде адам къалмаса, ит тахтагъа минер.
- Айтылгъан сёз ызына къайтмаз.
- Къонакъны къачан кетерин сорма, къачан келлигин сор.
- Намыс сатылыб алынмайды.
- Окъ къызбайны джокълайды.