Эльбрусоид :: Эльбрусоид

Ач къарным, тынч къулагъым.
Ач да бол, токъ да бол – намысынга бек бол.
Джогъун бар этген, барын бал этген.
Гугук кесини атын айтыб къычыргъанча, мен, мен деб нек тураса?
Ауругъаннга – кийик саулукъ, джетген къызгъа – чилле джаулукъ.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Джылыгъа джылан илешир.
Кютгени беш эчки, сызгъыргъаны уа, джерни джарады.
Къобан да къуру да къобханлай турмайды, адам да къуру да патчахлай турмайды.
Берекет берсин деген джерде, берекет болур.
Сескекли кесин билдирир.
Уруну арты – къуру.
Къошда джокъгъа – юлюш джокъ.
Эллинг бла джау болсанг да, юйюнг бла джау болма.
Окъуу – билимни ачхычы, окъуу – дунияны бачхычы.
Тамбла алтындан бюгюн багъыр ашхы.
Тилчи бир сагъатха айлыкъ хата этер.
Эл ауузу – элек, анга ийнаннган – халек.
Кюлме джашха – келир башха.
Кесинге джетмегенни, кёб сёлешме.
Байма, деб да, къууанма, джарлыма, деб да, джылама.
Сабийликде юретмесенг, уллу болса – тюзелмез.
Джолунга кёре – джюрюшюнг, джагъанга кёре – юлюшюнг.
Бозанг болмагъан джерге, къалагъынгы сукъма.
Джарлы тюеге минсе да, ит къабар.
Акъыллы айтыр эди, акъылсыз къоймайды.
Мал тутхан – май джалар.
Этим кетсе да, сюегим къалыр.
Ач, тоймам, дейди, тойгъан, ач болмам, дейди.
Аш хазыр болса, иш харам болур.
Джарлыны тону джаз битер.
Тыш элде солтан болгъандан эсе, кесинги элде олтан болгъан игиди!
Джолда аягъынга сакъ бол, ушакъда тилинге сакъ бол.
Байны оноуу, джарлыгъа джарамаз.
Билген билмегенни юретген адетди.
Ашхы болсанг, атынг чыгъар, аман болсанг, джанынг чыгъар.
Ёнгкюч къууана барыр, джылай келир.
Джангыз терек къынгыр ёсер.
Хата – гитчеден.
Къызбайны юйюне дери сюрсенг, батыр болур.
Чабакъгъа акъыл, табагъа тюшсе келеди.
Асхат ашлыкъ сата, юйдегиси ачдан къата.
Бёрю да ач къалмасын, эчки да ашалмасын.
Эки къатын алгъан – эки ташны ортасына башын салгъан.
Кюн – узун, ёмюр – къысха.
Кёлсюзден сёзсюз тууар.
Адамны бетине къарама, адетине къара.
Хазыр ашха – терен къашыкъ.
Суугъа – таянма, джаугъа – ийнанма.
Джукъу тёшек сайламайды.