Эльбрусоид :: Эльбрусоид

Олтуруб кёрюнмей эди да, ёрге туруб кёрюне эди.
Джолда аягъынга сакъ бол, ушакъда тилинге сакъ бол.
Акъыллы башны – тили къысха.
Хата – гитчеден.
Билимден уллу байлыкъ джокъду.
Къызбайны юйюне дери сюрсенг, батыр болур.
Сибиртки да сыйлы болду, кюрек да кюнлю болду.
Билгенни къолу къарны джандырыр.
Гырджын – тепсини тамадасы.
Хар зат кесини орнуна иги.
Чомартны къолун джокълукъ байлар.
Ариу сёз аурууунгу алыр.
Эл ауузу – элек, анга ийнаннган – халек.
Чабакъ башындан чирийди.
Чомарт къолда мал къалмаз.
Аман къатын алгъан, арыр, иги къатын алгъан джарыр.
Байлыкъ келсе, акъыл кетер.
Насыб бютеу халкъны юлюшюдю.
Ёгюзню мюйюзюнден тутадыла, адамны сёзюнден тутадыла.
Эркиши – от, тиширыу – суу.
Акъыллы эркиши атын махтар, акъылсыз эркиши къатынын махтар.
Ач бёрюге мекям джокъ.
Соргъан айыб тюлдю, билмеген айыбды.
Къызын тута билмеген, тул этер, джашын тута билмеген, къул этер.
Алтыда кюлмеген, алтмышда кюлмез.
Тёзгеннге, джабылгъан эшик ачылыр.
Ётюрюкню башын керти кесер.
Тил бла келеди джыр да.
Орундукъ тюбюнде атылсам да, орта джиликме, де да айлан.
Борчунг бар эсе, хурджунунга ойлаб узал.
Чомартха хар кюн да байрамды.
Мухардан ач ычхынмаз.
Аджалсыз ёлюм болмаз.
Кимни – тили, тиши онглу, кимни – къолу, иши онглу.
Иги – алгъыш этер, аман – къаргъыш этер.
Кёрмегеннге кебек – танг, битмегеннге сакъал – танг.
Къайтырыкъ эшигинги, къаты уруб чыкъма.
Кюн кёрмеген, кюн кёрсе, кюндюз чыракъ джандырыр.
Ёксюзню тилеги къабыл болур.
Къарнынг къанлынга кийирир.
Ата джурт – алтын бешик.
Эл ауузу – элия.
Босагъа таш юйге кирмей эди, тыбыр таш эшикге чыкъмай эди.
Иги сёз – джаннга азыкъ, аман сёз башха – къазыкъ.
Ана – юйню кюн джарыгъы.
Аман эсирсе, юйюн ояр.
Мухарны эси – ашарыкъда.
Атлыны ашхысы, ат тизгининден билинир
Ачыкъ джюрекге джол – ачыкъ.
Кесинг сынамагъан затны, адамгъа буюрма.