- Кёлю джокъну – джолу джокъ.
- Алма терегинден кери кетмез.
- Чомартны къолун джокълукъ байлар.
- Артына баргъанны, къатына барма.
- Къартха ушагъан джаш – акъыллы, джашха ушагъан къарт – тели.
- Aдам боллукъ, сыфатындан белгили.
- Тулпарлыкъ, билекден тюл – джюрекден.
- Иги – алгъыш этер, аман – къаргъыш этер.
- Эрине къаргъыш этген къатын, эрнин къабар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Илму – джашауну джолу.
- Тамбла алтындан бюгюн багъыр ашхы.
- Юйюнг бла джау болгъандан эсе, элинг бла джау бол.
- Байлыкъдан саулукъ ашхыды.
- Ойнай билмеген, оюн бузар.
- Билим ат болуб да чабар, къуш болуб да учар.
- Хар адамгъа кеси миннген тау кибик.
- Бек ашыкъгъан меннге джетсин, дегенди аракъы.
- Кирсизни – саны таза, халалны – къаны таза.
- Абынмазлыкъ аякъ джокъ, джангылмазлыкъ джаякъ джокъ.
- Уллу айтханны этмеген – уллаймаз.
- Бюгюн дуния кибик, тамбла ахыратды.
- Намысы джокъну – дуниясы джокъ.
- Ишни аллы бла къууанма да, арты бла къууан.
- Уллу сёзде уят джокъ.
- Билими азны – ауузунда кирит.
- Аманнга алтын чыдамаз.
- Соргъан айыб тюлдю, билмеген айыбды.
- Арбаз къынгырды да, ийнек сауалмайма.
- Ётюрюкден тюбю джокъ, кёлтюрюрге джиби джокъ.
- Къарыусузгъа кюлме, онгсузгъа тийме.
- Тойгъан антын унутур.
- Суу да къайтады чыкъгъан джерине.
- Къарнынг ауруса, ауузунгу тый
- Кютгени беш эчки, сызгъыргъаны уа, джерни джарады.
- Кёб джат да, бек чаб.
- Кёзден кетген, кёлден да кетеди.
- Къызын тута билмеген, тул этер, джашын тута билмеген, къул этер.
- Чомартха Тейри да борчлуду.
- Кёл ашады да, кеси ашады.
- Къая джолда джортма, ачыкъ сёзден къоркъма.
- Къошда джокъгъа – юлюш джокъ.
- Ариу – кёзге, акъыл – джюрекге.
- Къарнынг бла ёч алма.
- Къайгъыны сюйген, къайгъы табар.
- Чомарт бергенин айтмаз.
- Къонакъ хазыр болгъанлыкъгъа, къонакъбай хазыр тюлдю.
- Джаханимни кёрмей, джандетге кёл салмазса.
- Тай асырагъан, атха минер.
- Бал – татлы, балдан да бала – татлы.