Эльбрусоид :: Эльбрусоид

Дуния аламаты сен эсенг да, игиме деб айтма.
Баргъанынга кёре болур келгенинг.
Къралынгы – душмандан, башынгы от бла суудан сакъла.
Айырылмаз джууугъунга, унутмаз сёзню айтма.
Эшекни не къадар тюйсенг да, ат болмаз.
Юре билмеген ит, къонакъ келтирир.
Тамырсыз терекге таянма – джыгъылырса.
Ата Джуртуму башы болмасам да, босагъасында ташы болайым.
Ач да бол, токъ да бол – намысынга бек бол.
Олтуруб кёрюнмей эди да, ёрге туруб кёрюне эди.
Биреуню тёрюнден, кесинги эшик артынг игиди.
Арба аугъандан сора, джол кёргюзтюучю кёб болур.
Къонакъ кёб келюучю юйню, къазаны отдан тюшмез.
Ата – баланы уясы.
Джангыз торгъай джырламаз.
Къонагъынгы артмагъын алма да, алгъышын ал.
Намыс сатылыб алынмайды.
Тенгни тенглиги джашай барсанг билинир.
Сакъламагъан затынга джолукъсанг, не бек къууанаса, не бек ачыйса.
Джашлыкъ этмеген, башлыкъ этмез.
От кюйдюрген, сау болса да, тот кюйдюрген, сау болмаз.
Ачылгъан эт джабылыр, кёрген кёз унутмаз.
Ашда уялгъан – мухар, ишде уялгъан – хомух.
Эшекге миннген – биринчи айыб, андан джыгъылгъан – экинчи айыб.
Биреуню къыйынлыгъы бла кесинге джол ишлеме.
Тиширыусуз юй – отсуз от джагъа.
Къууут – джелге, берне – бошха.
Мухардан ач ычхынмаз.
Ишлегенден, къарагъан уста.
Чомарт бергенин айтмаз.
Иши джокъну, сыйы джокъ.
Ойнай билмеген, оюн бузар.
Телини эшигин, махтау джабар.
Бал чибинни ургъаны – ачы, балы – татлы.
Джырчы джырчыгъа – къарнаш.
Ачны эсинде – аш.
Сабийни джумушха джибер да, ызындан бар.
Чабар ат – джетген къыз.
Сёз сёзню айтдырыр.
Гырджын – тепсини тамадасы.
Биреуге аманлыкъ этиб, кесинге игилик табмазса.
Эте билген, этген этеди, эте билмеген, юретген этеди!
Эринчекни эр алмаз, эр алса да, кёл салмаз, кёл салса да, кёб бармаз!
Айырылгъанланы айю ашар, бёлюннгенлени бёрю ашар.
Кирсизни – саны таза, халалны – къаны таза.
Къарны аманнга къазан такъдырма, къолу аманнга от джакъдырма.
Кийим тукъум сордурур.
Элни кючю – эмеген.
Джахил болса анасы, не билликди баласы?
Джиби бир къат джетмей эди да, эки къат тарта эди.